စေတန်ရဲ့သားတော် အပိုင်း(၁၈) ဇာတ်သိမ်းပိုင်း
စေတန်ရဲ့သားတော်
အပိုင်း(၁၈) : ဇာတ်သိမ်းပိုင်း
#############
မီရာက မဟာရာဇ်မှထွက်ပြေးသွားကြသောသူများရှိရာသို့ အမြန်ရောက်စေရန် ခပ်သုတ်သုတ်လေးလျှောက်သွားနေမိသည်။ သူမကိုယ်တိုင်၏ နာကျည်းစိတ် ဒေါသစိတ်များကလည်းး သူကရဲ့ လမ်းလျှောက်အမြန်နှုန်းကို အရှိန်မြှင့်တင်ပေးလို့နေလေရာ အတန်ကြာလမ်းလျှောက်ပြီးသောအခါမှာ ထွက်ပြေးသွားသူများထဲမှ အချို့၏အသံများကိုပင် တီးတိုးကြားရနိုင်လောက်အောင်ပင် နီးလာခဲ့ချေပြီ။ ထို့နောက် မီရာက လျှောက်ရင်းလျှောက်ရင်းနှင့်ပင် မဟာရာဇ်ရွာသားများရှိရာနေရာသို့ ရောက်လာခဲ့ပါတော့သည်။
"ဟယ် . . . မီရာ . ."
"ဟာ . . ."
"တဘောင်အတိုင်းဖြစ်တော့မှာလား . . ."
မီရာကတော့ အားလုံးကို ရှေ့ထွက်ကာရင်ဆိုင်ရင်းနှင့် ပြောလိုက်သည်။
"ကျွန်မရှင်တို့ကိုဖျက်ဆီးဖို့လာတာမဟုတ်ဘူး . . . . ကျွန်မရှင်တို့ကိုပေးဆပ်ထားတာတွေအကုန်လာယူတာ . ."
"အမ် . . .ဘယ်လို . ."
"ဟုတ်တယ်. . . .ရှင်တို့ရဲ့ အဆင်ပြေလှပါတယ်ဆိုတဲ့ ချစ်ခြင်းတရားတွေပေါက်ဖွားလာစေဖို့အတွက် ကျွန်မအချစ်တွေအားလုံးကို စတေးခဲ့ရတာပါ . . . ဒါပေမယ့် အခု ကျွန်မအချစ်ကိုရဖို့အတွက် ရှင်တို့ဆီက ကျွန်မချိတ်ဆက်ထားတဲ့ ချစ်ခြင်းတရားတွေကို ပြန်ရုတ်သိမ်းမှရပါလိမ့်မယ်. . . မဟုတ်ရင် ကျွန်မ ချစ်တဲ့သူနဲ့ကွေကွဲပြီး မချစ်မနှစ်သက်သောသူနဲ့ ပေါင်းဖက်ရတော့မှာမို့လို့ပါ . . . ."
မီရာက ပြောပြောဆိုဆိုနှင့်ပင် သူ၏လက်ကိုကောင်းကင်ကိုပြကာ ဝှေ့ယမ်းလိုက်ရန်ပြင်လိုက်စဉ်တွင် ကောင်းကင်ယံမှ ပန်းအချို့ပြန့်ကျဲကာ ကျဆင်းလာသည်ကို သတိထားမိလိုက်လေသည် . .။ မီရာက ပန်းလေးတွေကို ကောက်ကိုင်ပြီးကြည့်လိုက်မိသည်။
"သော်ကပန်း . . ."
မီရာ တစ်ယောက်တည်းတီးတိုးရေရွတ်မိသော်လည်း မီရာရဲ့အနောက်မှအသံတစ်သံထွက်လာသည်။
"ပန်းသီးတွေမရှိတော့တဲ့နောက် အချစ်ကို ကိုယ်စားပြုတဲ့ပန်းတစ်မျိုးပေါ့ . . . မီရာ . .ကမ္ဘာဂြိုဟ်ပေါ်မှာဆို အချစ်တွေပြည့်နှက်နေတဲ့နေရာမှာပဲ ပေါက်ရောက်လေ့ရှိတာပေါ့ . .မင်းကောင်းကောင်းကြီးမှတ်မိနေပါလိမ့်မယ် . . ."
"ကျွန်မ . . . ကျွန်မ . . ."
မီရာအနောက်ကို လှည့်ကြည့်လိုက်တော့ ဗိမာနယာဉ်တစ်စီး နတ်သမီးတစ်ပါး ဗုဒ္ဓဘာသာဘုန်းတော်ကြီးတစ်ပါးနဲ့အတူ အိုင်းစတိုင်းနဲ့ နိမ်တို့ကိုတွေ့လိုက်ရလေသည်။ ခုစကားကိုတော့ နတ်သမီးတစ်ပါးကပြောလိုက်ခြင်းပင် . . . .။
"ဟုတ်တယ် မီရာ . . . မင်းရဲ့ ကမ္ဘာဂြိုဟ်က အတိတ်ဘဝကို မှတ်မိမယ်ဆိုရင် ဒီသော်ကပန်းလေးတွေရဲ့ အဓိပ္ပာယ်ကို ကောင်းကောင်းကြီးမှတ်မိနေမှာပဲ . . . ဒါပေမယ့် ဒါတွေက ခုချိန်မှာ အရေးမကြီးပါဘူး . . . အရေးကြီးတဲ့အရာတစ်ခုကတော့ မင်းအရာအားလုံးကို ရုတ်သိမ်းလိုက်တာနဲ့ မင်းနဲ့နိမ်နဲ့ပေါင်းရမယ်လို့ထင်နေတာလား . . . "
"သေချာတာကတော့ ကျွန်မ အိုင်းစတိုင်းနဲ့မပေါင်းချင်ဘူး . . .အဲ့ဒီအတွက် ဒါတွေအကုန်ရုတ်သိမ်းမှပဲ ပြန်ရလိမ့်မယ် . . ."
"halo ရုတ်သိမ်းမယ်ဆိုတာ ဘယ်တီဂေါလ်ကတမန်တော်မှ လုပ်လေ့လုပ်ထရှိတဲ့အရာမဟုတ်ဘူး . . .တကယ်လို့ ဒီလိုလုပ်မယ်ဆိုရင် မဟာရာဇ်မှာ အနာရောဂါ ၃ မျိုးကနေ ၉၆ ပါးအဖြစ်နဲ့ပွားများသွားပြီး . . ."
မီရာကတော့ နတ်သမီးရဲ့ စကားကိုပင်ဆုံးအောင်နားမထောင်တော့ဘဲ လက်ကိုထောင်ပြကာ -
"တော်ပါတော့ရှင် . . . . အချစ်တစ်ခုအတွက်နဲ့ မရူးမိူက်ချင်ဘူးဆိုပေမယ့် အဲ့ဒီအချစ်က ဘဝတစ်ခုကို ဖျက်ဆီးလာတဲ့အခါ အဲ့ဘဝကိုပြန်လည်ထူထောင်ဖို့အတွက် ကျွန်မအားလုံးကို ပြန်ယူရမှာပဲ . . ."
ဟုသာပြောလိုက်ရင်း သူချိတ်ခဲ့သော halo များကို ပြန်လည် သိမ်းယူရန် halo စေကြိုးကို နောက်ပြန်သာလှည့်လိုက်လေတော့သည်။
ပတ်ဝန်းကျင်တစ်ဝိုက် အလွန်အေးမြသောလေပြင်းမျာတိုက်ခတ်လာပြီးနောက် halo စေကြိုးမှ မဟာရာဇ်သားများ၏ halo များကို စုပ်ယူလိုက်လေသည်။ halo စုပ်ယူခံရသောနေရာများမှာတော့ အပြာရောင်အေးစိမ့်စိမ့်အလင်းတန်းများ ဖြာထွက်လာပြီးနောက် အရာအားလုံးက တဖြည်းဖြည်းချင်းသာ အေးစက်စပြုလာလေတော့သည်။ နတ်သမီး၊ ဘုန်းတော်ကြီး၊ အိုင်းစတိုင်းနှင့် နိမ်တို့ကတော့ ပြိုင်တူပင် ထိတ်လန့်စွာအာမေဋိတ်များပြုမိကြလေသည်။
"အဆုံးသတ်"
"အရာအားလုံးကပြီးဆုံးရတော့မှာလား"
"စေတန်နိုင်သွားပြီ"
ပတ်ဝန်းကျင်တစ်ခုလုံးက အေးစက်ပြီးရင်း ပိုမိုအေးစက်ကာ အချို့နေရာများရှိရေများပင် အေးစက်တောင့်ခဲလျက်ရှိကုန်ကြလေပြီ။ ပတ်ဝန်းကျင်အသံများအားလုံးကို လေအေးစီးကြောင်းကြီး၏ ခပ်ပြင်းပြင်းတိုက်ခတ်သံကျယ်ကြီးကသာ ဖုံးလွှမ်းသွားတော့သည်။ မီရာ့အတွေးထဲမှာတော့ နိမ်နဲ့သူမက သာယာလှပသောနေရာလေးတစ်ခုမှာ ချစ်တင်းနှောလို့နေကြပြီး ပတ်ဝန်းကျင်တစ်ခုလုံးက ပျော်စရာများနှင့်သာပြည့်နှက်လို့နေတော့သည်။
"ကျွန်မ အရမ်းပျော်ပါတယ် . . . .ကျွန်မ မကြာမီ ကျွန်မချစ်သူနိမ်နဲ့အတူတူနေရတော့မှာလေ . . . စေတန်ရဲ့တဘောင်အတိုင်းလည်း အရာအားလုံးကိုမဖျက်ဆီးဘဲ ကျွန်မချိတ်ပေးတဲ့ halo ဆက်သွယ်မှုတွေကိုသာ ကျွန်မရုတ်သိမ်းခဲ့တာပါ . . . . ကိုယ်ချင်းစာစိတ်မရှိတဲ့ တီဂေါလ်နဲ့ ကျွန်မမပတ်သတ်နိုင်တော့ပါဘူး . . . ချစ်ခြင်းတရားတွေရှိတဲ့ဆီမှာ ကျွန်မပျော်ပျော်ရွှင်ရွှင်ပဲနေသွားပါတော့မယ် . . . နိမ် . . .နာရီပိုင်းလေးပဲ စောင့်ပေးပါနော် . . .မကြာမီကျွန်မတို့ရဲ့ ပျော်စရာနိဂုံးလေးတွေရောက်လာတော့မှာပါ . . . ."
ခဏကြာတော့ လေအေးစီးကြောင်းတွေငြိမ်သွားပြီးနောက် halo ကုန်ပြီအထင်နှင့် မီရာပတ်ဝန်းကျင်ကိုကြည့်လိုက်မိသည်။ ပတ်ဝန်းကျင်တစ်ခုလုံးအေးစက်မှုများနှင့်ပြည့်နှက်လျက်ရှိပြီး အရာအားလုံးကလည်း အသက်ဓာတ်မရှိတော့လောက်အောင် ငြိမ်သက်လျက်ရှိနေချေသည်။
"ငါ . . . ငါဘာလုပ်လိုက်မိပြီလဲ . . . ."
"သူတို့ မသေဘူး . . . မီရာ . . ဒါပေမယ့် အချစ်စိတ်တွေထုံသွားကြပြီ. . . အေးတိအေးစက်နဲ့ သွေးအေးသမားတွေဖြစ်ကုန်ပြီ . . မကြာမီငြိမ်းချမ်းမှုတွေပျက်စီးရတော့မယ် . . ."
နတ်သမီးကပြောလိုက်ခြင်းပင်ဖြစ်သည်။ အိုင်းစတိုင်းကတော့ ခေါင်းကိုသာတွင်တွင်ခါကာ . .
"စေတန်နိုင်သွားပြီ . . . . သူ့ရဲ့ပရိယာယ်တစ်ခုကျန်သေးတယ် . . . ဘာဖြစ်လာမလဲတော့မသိဘူး . . ."
ဟုပြောလိုက်သည်။ ရှင်ပညောဘာသကတော့ မီရာ့ကိုကြည့်ကာ -
"ဒကာမလေး မီရာ . .ဒကာမလေးက အခုဆိုရင် တာဝန် ၂ ခုဖြစ်သွားပြီ . . . ဒကာမလေးလုပ်ခဲ့တာရဲ့ အကျိုးအပြစ်ကို ဒကာမလေးပြန်ပြီးပေးဆပ်ရလိမ့်မယ် . . .ဒီကိစ္စတွေမဖြစ်ခင်တစ်ချိန်က ဦးပဉ္ဇင်းကျောင်းမှာ ကျိန်းစက်နေစဉ် ဟောဒီသော်ကပန်းလေးတွေရုတ်တရက်ကျလာခဲ့တယ်။ ဒါဟာ ချစ်ခြင်းမေတ္တာနဲ့ပတ်သတ်ပြီးပြောင်းလဲမှုတစ်ခုဖြစ်မယ်ဆိုတာကြိုသိခဲ့တယ် . . .အခု မဟာရာဇ်လည်း ကမ္ဘာဂြိုဟ်လိုပဲ ချစ်ခြင်းမေတ္တာတရားတွေကျိန်စာသင့်ခဲ့ရပြီ . . ဒါဟာ စတုပြည်ထောင်က မဟာရာဇ်ရွာတစ်ခုတည်းအတွက်သာဖြစ်နေပေမယ့် အခြားပြည်ထောင်တွေဆီကို ကူးစက်မသွားဖို့ကိုတော့ မျှော်လင့်ရမှာပဲ ဒကာမလေး . . ."
ဟုသာပြောလိုက်သည်။
အိုင်းစတိုင်းရဲ့အတွေးထဲမှာတော့ -
"စေတန် . . .သူဟာ ယေဟောဝါကို ဘယ်လိုယှဉ်နိုင်မလဲတော့မသိဘူး . . သေချာတာတစ်ခုကတော့ သူ့ပရိယာယ်ကို ဘယ်သူမှလိုက်မမီခဲ့ဘူး . . သူဟာ မီရာလေးမွေးစဉ်ကတည်းက ကောင်းကင်အလင်းတီဂေါလ်နိမိတ်ကိုယူကာ ပရိယာယ်ကိုစတင်ချခဲ့ပြီး မီရာ့ကို တီဂေါလ်တိုင်းပြည်ကို portal ကတစ်ဆင့် ပို့ပေးခဲ့ရင်း electron တွေလွှဲပြောင်းနေချိန် အလင်းနှုတ်ဘုံအလွှာထဲကနေတစ်ဆင့် မီရာရဲ့ အနာဂတ်ကိုကြည့်ခဲ့တယ် . . . အရမ်းစိတ်ထားကောင်းလွန်းလှတဲ့ မီရာကိုအရောင်ဆိုးဖို့အတွက် အစီစဉ်တွေအကွက်ချပြီး မီရာ့ကို စိတ်ဒဏ်ရာတွေနဲ့ ဖိနှိပ်ခဲ့တယ် . . . အဲ့လိုဖိနှိပ်ပြီး နောက်ဆုံး halo ကို နိမ်နဲ့မချိတ်ဆက်နိုင်အောင် ငါ့ရဲ့အချစ်ကို သိရဲ့နဲ့အလွဲသုံးစားလုပ်ခဲ့ပြန်တယ် . . . ငါ့ကိုမီရာနဲ့ပေးပတ်သတ်တာ အခု ၄၀၀ မြောက် halo ထွက်ဖို့မွေးခဲ့တယ်ဆိုတာကို ငါမသိခဲ့ဘူး . . . ဒါဆိုနောက်ပရိယာယ်ကဘာလဲ . . ."
ဟုသာတွေးနေစဉ် မီရာကတော့ နိမ်ရှိရာကိုပြေးကာပွေ့ဖက်ထားလိုက်သည်။
"နိမ် . . .နောက် . . . နောက်ဆုံးတော့ ရှင်နဲ့ကျွန်မပေါင်းဖက်နိုင်ပြီပေါ့နော် . . . ရှင့်ခန္ဓာကိုယ်လည်း မအေးစက်တော့ဘူး . . ရှင့်. . . ရှင့်လက်ကလေးတွေကော . ."
မီရာက ပြောပြောဆိုဆိုနှင့် နိမ်ရဲ့လက်ကလေးကို ဆုပ်ကိုင်ထားလိုက်သည်။
"ရှင့်လက်တွေလည်းနွေးထွေးလာပြီ . . .ရင်ခုန်သံတွေလည်းသေချာကြားနေရပြီ . . . နိမ် . . ကျွန်မတို့နှစ်ယောက်ကြားက အရာအားလုံးနွေးထွေးလာခဲ့ပြီပေါ့နော် . . ."
နိမ်ကတော့ ပြုံးလိုက်ကာ မီရာ့နဖူးလေးကို ဖွဖွလေးနမ်းပေးလိုက်သည်။
"ကဲ . .မီရာ . . ဒီတစ်ခါအနမ်းကစပြီးတော့ အေးစက်မှုတွေမရှိနိုင်တော့ဘူး . . . ဒါက အချစ်လို့ခေါ်တာပဲလေ . . .အချစ်စစ်မှန်ရင် အရာအားလုံးကို နွေးထွေးမှုပေးနိုင်ပါလိမ့်မယ် . . ."
နိမ့်ရဲ့မျက်နှာလေးမှာတော့ ကြည်နူးကျေနပ်နေသလိုပြုံးယောင်လေးသမ်းလာလေသည်။ ထိုပြုံးယောင်သမ်းတာနဲ့အတူ အဝါရောင်လှိုင်းအငွေ့လေးက ဦးခေါင်းမှတစ်ဆင့် တစ်ရစ်ချင်း တစ်ရစ်ချင်းတက်လာပြီးနောက် halo တစ်ခုအဖြစ်ထွက်ပေါ်လာတော့သည်။ မီရာကနိမ်ရဲ့ခေါင်းပေါ်က halo ကိုကြည့်ပြီးတော့ -
"halo . . . .နောက်ဆုံးတော့ ကျွန်မအတွက်ရည်စူးတဲ့ halo ထွက်လာပြီပေါ့နော် . . . နိမ် . . . ဒီဘဝတစ်ခုလုံးမှာ ကျွန်မရှင့်ကို အချစ်ဆုံးပါ . . ."
မီရာက ပြောရင်းဆိုရင်းနှင့် နိမ့်ကို ပြန်ဖက်ထားလိုက်ပါတော့သည်။ အခုဆိုရင် မီရာ့မျက်နှာလေးမှာလည်း အဝါရောင်ငွေ့တို့ကတရစ်ရစ်တက်ကာလာနေလေသလို မကြာမီ halo တက်လာမယ့် အရိပ်အယောင်ဖြစ်နေလေသည်။
ထိုအခိုက် . . . .
"မီရာ . . . မင်းလက် . . မင်းရဲ့လက်လေးတွေအေးစက်လာပြန်ပြီ. . . ."
နိမ်က မီရာ့လက်လေးကိုကိုင်ရင်းအလန့်တကြားပြောလိုက်သည်။
"ကျွန်မ. . . ကျွန်မ အချစ်တွေပျက်ရတော့မှာပေါ့နော် . . ဟင့်အင်း . . ကျွန်မ halo တွေအားလုံးကို ဖျက်သိမ်းပြီးပြီလေ . . . ကျွန်မက အခုဘာဖြစ်ရတာလဲ . . . တီဂေါလ်က အဘိုး . . . ကျွန်မ . . ကျွန်မကိုကယ်ပါ . . . .ကျွန်မချစ်သူနဲ့ကျွန်မ ဝအောင်မတွေ့ရသေးဘူးလေ . . .
နိမ် . . . လုပ်ပါဦး . . ကျွန်မကို ဖက်ထားပေးပါ . . ပြန်နွေးထွေးအောင်လုပ်ပေးပါ . . .ကျွန်မတောင်းပန်ပါတယ် . ."
အိုင်းစတိုင်းက သူ့ရဲ့လက်ကိုသူပြန်ကြည့်ကာ မီရာ့ကိုပြောလိုက်သည်။
"မီရာ . . . ငါ့ရဲ့လက်တွေ . . . မင်းလိုပဲ . . မင်းနဲ့အတူအေးစက်စပြုလာနေပြီ . . ."
"အိုင်းစတိုင်း . . ဘာတွေဖြစ်ကုန်ကြတာလဲဟင် . . ."
"နင်ရုတ်သိမ်းလိုက်တဲ့ halo ပေါင်း ၄၀၀ ထဲမှာ နင်နဲ့ငါ့ရဲ့ halo ပါ ပါလာခဲ့တယ်လေ . . နင့်ရဲ့နောက်ဆုံး halo က နင်ကိုယ်တိုင်ဆိုတာ နင်မေ့လျော့နေခဲ့တယ်. . နင်နဲ့ငါဆိုတာက အဆုံးသတ်ဖြစ်တဲ့အတွက် အကုန်အေးခဲပျက်စီးသွားရတော့မှာ .တီဂေါလ်အဘိုးက တစ်စုံတစ်ခုရဲ့ထိန်းချုပ်မှုမှာကျရောက်နေတဲ့အတွက် ကမ္ဘာဂြိုဟ်အပါအဝင် နီဘီရုမှာပါ အချစ်နဲ့ပတ်သတ်တဲ့ ကျိန်စာတွေကျရောက်ကုန်လိမ့်မယ် . . . စေတန်ရဲ့နောက်ဆုံးပရိယာယ် . . . သူလိုချင်ခဲ့တဲ့ အချစ်နဲ့ပတ်သတ်တဲ့ နောက်ဆုံးရည်မှန်းချက်၊ နောက်ဆုံးအရာ . .သူရရှိသွားခဲ့ပြီ . . . ."
"တော်လိုက်တာ သားတော် . . . အိုင်းစတိုင်းဆိုတာကလည်း ကမ္ဘာဂြိုဟ်မှာတုန်းက အတိုင်းပါပဲလား . . ."
အားလုံး အသံလာရာ လှည့်ကြည့်လိုက်ကြတော့ စေတန်ကိုတွေ့လိုက်ရသည်။
"ဟုတ်တယ် . . .သား . . ဒါတွေအားလုံးက ခမည်းတော်ရဲ့ ပရိယာယ်တစ်ခုပဲ . .အားလုံးကတော့ ခမည်းတော်အပြစ်ကိုပဲပြောကြမှာပေါ့ . . . ဒါပေမယ့် ဘယ်သူမှမသိဘဲဖုံးကွယ်ခဲ့ရတဲ့ ဗီလိန်တစ်ယောက်ရဲ့ နာကျည်းမှုတွေဆိုတာ အများကြီးပဲသားတော် . . အများကြီးပဲ".ဟုပြောလိုက်သည်။ စေတန်ရဲ့စကားပြီးနောက်မှာ ဘယ်သူမှ ဘာစကားမှပြန်မပြောကြတော့ပါ . . ။ အေးစက်လှသော အချစ်မဲ့ပတ်ဝန်းကျင်နဲ့အတူ သူတို့အားလုံး ခဏတာမျှဆွံ့အနေမိကြသည်။ အိုင်းစတိုင်းနဲ့ မီရာမှာတော့ ခြေဖျားလက်ဖျားမှစကာ တစ်ကိုယ်လုံးအေးစက်မှုကိုပင်တွေ့ကြုံနေကြရလေပြီ . . . ။
စေတန်ကတော့ -
"ကဲ အိုင်းစတိုင်း . . မင်းငါနဲ့လိုက်ခဲ့ရတော့မယ် . . . မင်းအေးစက်ပြီး ခဲမသွားခင် ငါမင်းကိုခေါ်သွားရလိမ့်မယ် . . .မင်းချစ်တဲ့မီရာနဲ့ halo ချိတ်ခဲ့တဲ့အမှတ်တရတစ်ခုအတွက် မင်းပျော်ရွှင်မယ်လို့မျှော်လင့်ပါတယ် . . ."
ဟုပြောကာသူ့ရှေ့တွင် Portal တစ်ခုကို ဖွင့်လိုက်ပြီး ထို portal နှင့်အတူနှစ်ဦးလုံးထွက်ခွာသွားပါတော့သည်။
မီရာကတော့ စာရေးထားသော စာလွှာလေးတစ်ခုကို ရှင်ပညောဘာသ ကိုပေးကာ -
"အရှင်ဘုရား . . . .လူ့ပြည်ကိုရောက်ရင်ဖြင့် ဒီစာလွှာလေးကို လူအများသိအောင်မျှဝေပေးနိုင်ဖို့အတွက် လူ့ပြည်ကသူတစ်ယောက်ယောက်ကို ဒါလေးပေးပေးပါလားဘုရား . . . တပည့်တော်မကြားဖူးတာကတော့ မကြာမီကာလမှာ ကာရှိုင်း ဆိုတဲ့ စာရေးသူတစ်ယောက်ပေါ်လာလိမ့်မယ် . . . သူပေါ်လာတဲ့အခါ ဒီစာလေးကို သူကတစ်ဆင့်အားလုံးကိုမျှဝေခိုင်းပေးပါနော် . . . ."
ဟု အားနွဲ့ဖျော့တော့သောအသံနှင့်ပြောလိုက်လေရာ ရှင်ပညောဘာသနှင့် နတ်သမီးတို့လည်း ဗိမာနယာဉ်မှတစ်ဆင့် ပြန်လည်ထွက်ခွာသွားပါတော့သည်။ တကယ်တမ်းသူတို့နှစ်ဦး၏ တာဝန်ကား မီရာနှင့်ပတ်သတ်ခဲ့သောသော်ကပန်းများနှင့် အလုပ်လုပ်ရန်အတွက်သာဖြစ်ပါတော့သည်။
နိမ်ကတော့ မီရာ့ကို မပေးဖြစ်ရသေးသော မွေးနေ့လက်ဆောင်လေးထုတ်ပေးမိသည်။
"မီရာ . . . ဒါမင်းအတွက်ကိုယ့်ရဲ့ မွေးနေ့လက်ဆောင်လေးပါ . . ကမ္ဘာဂြိုဟ်က ခရုခွံလေးပေါ့ . . .ဒီခရုခွံလေးထဲမှာ မီရာသဘောကျတဲ့ Alice in Wonderland ပုံပြင်လေးကို ကိုယ်ပြောထားတဲ့အသံလေးနဲ့မှတ်တမ်းတင်ထားတယ် . . .။ နားထောင်ကြည့်နော် . . ."
မီရာက အေးစက်တုန်ယင်သောလက်လေးဖြင့် ခရုခွံလေးကို ယူလိုက်ကာ နားနားသို့ကပ်ကာနားထောင်နေမိလေသည် . ။ ခရုခွံလေးထဲမှာတော့ နိမ်ရဲ့အသံလေးကို လေတိုးသံတွေကြား မပီဝိုးတဝါးလေးကြားနေရသည်။
"ဟိုးရှေးရှေးတုန်းကပေါ့ Alice ဆိုတဲ့ကောင်မလေးတစ်ယောက်ဟာ . . . . . ."
မီရာက အသံကိုနားထောင်ရင်း ပျော်လွန်းလှသဖြင့် အေးခဲနေသည့်ကြားမှ အားတင်းကာ နှုတ်ခမ်းလေးကိုပြုံးကာနေမိသည်။ မျက်ရည်မကျတော့သော်လည်း ကလယ်ကလယ်ဖြစ်နေသော မျက်စိအဝိုင်းသားလေးက မီရာတစ်ယောက်ငိုနေသည်ဆိုတာကို အတိုင်းသား သိသာအောင်ဖော်ပြနေလေသည်။
"မီရာရယ် . . . ."
နိမ်ကတော့ မီရာ့ကိုသာထွေးဖက်ထားကာ ငိုကြွေးလျက်ရှိနေလေသည်။ မီရာ့ကိုယ်က တဖြည်းဖြည်းအေးစက်လာတာကို ခံစားလာရသလို အချို့နေရာများမှာ တောင့်တင်းလို့ပင်နေလေသည်။ တဖြည်းဖြည်းချင်းအေးခဲလာသော်လည်း ခရုခွံလေးဆီမှ ပုံပြင်ပြောသံသဲ့သဲ့ကတော့ လေထုထဲမှာ တိုးတိုးလေးပျံ့လွင့်နေလေသည်။ မီရာ တစ်ကိုယ်လုံးအေးခဲသွားခဲ့သော်လည်း ပုံပြင်ပြောသံက ဆက်လက်ထွက်လာနေဆဲ . . ထွက်နေဆဲပင်ဖြစ်ပေတော့သည်။ မီရာကြားနိုင်မကြားနိုင်မသိတော့သော်လည်း နိမ်ကတော့ မီရာ့ကိုယ်လေးကိုဖက်ထားဆဲ . . .ခန္ဓာကိုယ်၏ အေးစက်မှုကို အံတုကာ အအေးဒဏ်ကိုခံယူဆဲပင်ရှိနေလေတော့သည်။ နိမ်ပါ အေးစက်တောင့်တင်းသွားသလားမသိပေမယ့် စေတန်ရဲ့အကြံအစည်ကတော့ အောင်မြင်သွားခဲ့ပြီဖြစ်ပါသည်။ မီရာလိုချင်သောအချစ်ရဲ့နွေးထွေးမှုကို မိနစ်ပိုင်းလောက်ရရှိခဲ့သော်လည်း မီရာက ဒါနဲ့ပတ်သတ်လို့ကျေနပ်မှုရှိမရှိတော့ မီရာမှတစ်ပါးမည်သူမှ မသိနိုင်တော့ပါချေ။ ကံတရားဆိုတာပဲ့တင်လာခဲ့မယ်ဆိုရင်တော့ . . . . . . . . . .။
× × × × × × × × × ×
ဗိမာနယာဉ် . . .။
မြင်းမိုရ်တောင်ကြီး အနီးတွင်လှည့်ပတ်ပျံသန်းစဉ်မှာ နတ်သမီးက ရှင်ပညောဘာသကိုမေးလိုက်သည်။
"မီရာ့ ဘဝက အရမ်းသနားဖို့ကောင်းတယ်နော် . . .သူ့မှာဝဋ်ကြွေးလည်းမရှိရာဘဲ ပရိယာယ်တစ်ခုအတွက် ဓားစာခံဖြစ်ခဲ့ရရှာပါတယ် . ."
"အမှန်ပဲ . . . .ဒါဟာ ချစ်ခြင်းတရားတွေဟန်ချက်ပျက်စေဖို့ကြိုးစားမှုတစ်ခုမှာ အတ္တတွေကြီးမားလာတဲ့အခါမှာ လုပ်လေ့လုပ်ထရှိတဲ့အရာတစ်ခုကို စေတန်ကပရိယာယ်အဖြစ်ယူသွားတယ်။ မီရာရဲ့ နာကျင်မှုကြောင့် သူ့အတ္တပေါ်ရှေ့တန်းတင်ခဲ့မိတာက သူကိုယ်တိုင်ရဲ့အမှားဖြစ်သွားခဲ့တယ်လေ . . .
အလင်းနှုတ်ဘုံအလွှာကို စေတန်ကဝင်ရောက်ကြည့်ရှုပြီးသားဖြစ်နေတော့ အကွက်ချလွယ်သွားတာပါပဲ . . ."
"ဒါနဲ့ မီရာပေးခဲ့တဲ့စာလွှာလေးကကော သူဘာမှာချင်တာလဲမသိဘူး . . .တပည့်တော်မတို့အတူတူဖွင့်ဖတ်ကြည့်ကြရအောင် . . ."
ရှင်ပညောဘာသ က မီရာပေးထားသော စာလွှာလေးကိုဖွင့်ကာဖတ်ကြည့်လိုက်ပါတော့သည်။ သူတို့၏ အပူများသည်လည်း ပြီးဦးမည်မဟုတ်သေးပါ။ စေတန်က ဂေါတမဘုရား၏ တရားတော်များကို တိုက်ခိုက်ရန်ကြံစည်နေသောကြောင့် ကမ္ဘာဂြိုဟ်ရောက်ချိန်တွင်လည်း သူတို့ဒါတွေကို ကာကွယ်ရပါဦးမည်။ နီဘီရုမှ မီရာနှင့် နိမ်တို့ရဲ့ ဆွတ်ပျံ့ဖွယ်နိဂုံးကို ဆရာတော်ကော နတ်သမီးပါ ကောင်းကောင်းကြီးကို မှတ်မိနေပါသေးသည်။ မီရာ့အတွက် ကုသိုလ်ကံ အကုသိုလ်ကံတို့ကမည်သို့မည်ပုံ ပြန်လည်တုံ့ပြန်မည်ဆိုသည်ကိုတော့ သူတို့အားလုံးစိတ်ဝင်စားနေကြမည်ဟုသာထင်မိသည်။ မီရာ၏ နောက်ဆုံးစာမှာကား အောက်ပါအတိုင်းပင်ဖြစ်ပါတော့သည်။
"ချစ်ခင်ရပါသော ကမ္ဘာသူကမ္ဘာသားများရှင့် -
ကျွန်မကတော့ ချစ်ခြင်းတရားစီမံခန့်ခွဲသော တမန်တော် မီရာပါ . . .ကမ္ဘာသူ ကမ္ဘာသားတို့ ဒီစာကို ဖတ်နေချိန်မှာ ကျွန်မဟာ အသက်ရှင်လျက်ရှိချင်မှရှိနိုင်တော့မှာပါ။ လူတစ်ယောက်ဟာ အခြားတစ်ယောက်ကို ချစ်ရင် အကောင်းမြင်စိတ်ဖြစ်လာခဲ့ရင် halo ဆိုတဲ့အဝါရောင်ကွင်းလေးတစ်ခုဖြစ်လာတတ်ပါတယ်။ ကျွန်မတကယ်လို့သာ အသက်ရှင်နေမယ်ဆိုရင်ဖြင့် ကျွန်မမြင်သမျှ halo လေးတွေကို နီဘီရုကနေပြီး halo စေတဲ့ကြိုးနဲ့ ချိတ်ဆက်ပေးနိုင်ပါလိမ့်မယ် . . . စေတန်ကျွန်မကိုပြောခဲ့ဖူးတယ် . . ညီမျှခြင်းဆိုတာရှိနေရင်ငြိမ်းချမ်းမှုဆိုတာဘယ်တော့မှ ဖြစ်မလာနိုင်ဘူးတဲ့ . . . လူတွေဟာ အခြားသူတွေနဲ့သာတူညီမျှမှုဆိုတဲ့ ညီမျှခြင်းတစ်ခုနောက်ကိုလိုက်ရင်း အပြစ်တွေ အကုသိုလ်အမိုက်မှောင်တွေကျူးလွန်မိတတ်ကြပါတယ် . .ကျွန်မကိုယ်တိုင်လည်း ညီမျှစွာချစ်ပိုင်ခွင့်ဆိုတဲ့အရာတစ်ခုကို ရှေးရှုခဲ့လို့ ကျွန်မအတွက်သာမကဘဲ နီဘီရုရဲ့ငြိမ်းချမ်းခြင်းတွေ ပျက်သုဉ်းခဲ့ရပါတယ် . . . .ရှင်တို့ ကမ္ဘာဂြိုဟ်မှာ လူတိုင်းချမ်းသာချင်ကြပါလိမ့်မယ် . . လူတိုင်းလည်းချစ်ခြင်းတရားတွေကိုရယူချင်ကြပါလိမ့်မယ် . . ဒါပေမယ့် လူသားအားလုံးချမ်းသာနေမယ်ဆိုရင် ဘယ်သူမှ အဓိကအစားအစာတွေစိုက်ပျိုးမှာမဟုတ်တဲ့အတွက် အစားအသောက်တွေပြတ်လပ်မှုကြုံပါလိမ့်မယ် . . လူတိုင်းသာ သူတို့ချစ်တဲ့သူနဲ့ပေါင်းဆုံကြမယ်ဆိုရင်လည်း တစ်ယောက်တည်းကို နှစ်ယောက်ပြိုင်ချစ်မိတဲ့အခါ အတ္တတွေ ရမ္မက်တွေဆိုတာတွေက ငြိမ်းချမ်းမှုကိုဖျက်ဆီးစေပါလိမ့်မယ် . . အရာအားလုံးကိုသူများနဲ့တန်းတူညီမျှဖြစ်ဖို့ကြိုးစားယူလို့မရနိူင်ပါဘူး . . တကယ်လို့ ရှင်တို့ကိုယ်တိုင်က တစ်ယောက်ယောက်ကိုချစ်လို့ပဲဖြစ်ဖြစ် ချမ်းသာမှုတစ်စုံတစ်ရာမရှိလို့ခံစားထိခိုက်နေရရင်ပဲဖြစ်ဖြစ် ညီမျှအောင်ကြိုးစားဖို့ထက် halo ဆိုတဲ့ကွင်းလေးတွေ ထွက်လာစေဖို့ အရာရာတိုင်းကို အကောင်းမြင်ကြည့်ပါ . . . ညီမျှခြင်းမရှိတဲ့ ကမ္ဘာမှာ ငြိမ်းချမ်းမှုရှာဖို့ဆိုရင်တော့ လိုအပ်တာညီမျှခြင်းတစ်ခုမဟုတ်ပါဘဲ အကောင်းမြင်စိတ်တွေနဲ့ ပေါင်းစပ်ထားတဲ့ နားလည်ခြင်းတစ်ခုသာဖြစ်ပါလိမ့်မယ် . . စေတန်က ကျွန်မတို့အားလုံးကို ပရိယာယ်နဲ့ ကပ်ဘေးဆိုက်စေဖို့ အချိန်မရွေးကြံရွယ်နိုင်ပါတယ် . . ကျွန်မတို့တစ်ခုလုပ်ရမှာကတော့ အကောင်းမြင်စိတ်တွေနဲ့ပေါင်းစပ်ပြီး နားလည်မှုတစ်ခုဖန်တီးဖို့ပါပဲ . . .
ရှင်တို့အားလုံးသာအရာရာကိုအကောင်းမြင်စိတ်ထားဖို့တာဝန်ယူကြည့်ကြပါ . . . . ပေါ်ထွက်လာမယ့် halo တွေအတွက် ကျွန်မမဟုတ်ရင်တောင်မှ တီဂေါလ်ကလူတွေက ရှင်တို့နားမှာအမြဲရှိနေပါလိမ့်မယ် . . .
အကောင်းမြင်စိတ်ထားသူတိုင်းရဲ့ အနားမှာ ကျွန်မတို့ တီဂေါလ်တွေရှိနေပါလိမ့်မယ် . . .
halo တွေရှိရာ နေရာတိုင်း . . နေရာတိုင်းဆီပေါ့ . . . ရှင်တို့လုပ်ပေးရမှာတစ်ခုက ကျွန်မတို့မြင်သာအောင်တစ်ခုခုပြနိုင်ဖို့ပါပဲ . . .
အဲ့ဒါကတော့ အကောင်းမြင်စိတ်တွေကလာတဲ့ halo အလင်းရောင်လေးတွေပဲဖြစ်ကြပါတော့တယ်ရှင် . . . . .
ကမ္ဘာသူကမ္ဘာသားများ မညီမျှခြင်းများကြားမှာ အကောင်းမြင်စိတ်တွေနဲ့ ငြိမ်းချမ်းမှုတည်ဆောက်နိုင်ကြပါစေကြောင်း ဆုတောင်းပေးလိုက်ပါတယ်
မီရာ
အချစ်ရဲ့စီမံသူ
တီဂေါလ်"
=========END===========
Own Feeling @ 2016 by
ကာရှိုင်း (ကြယ်စင်ချစ်သူ)
ဇာတ်သိမ်းပိုင်းလေးအရမ်းကောင်းတာပဲဗျာ။