family

ဘဝရဲ့အချိန်တိုတိုလေးအတွင်းမှာ ရှုပ်ရှုပ်ထွေးထွေးအမှုကိစ္စတွေကအများကြီးမလား အာ့လိုဖြစ်ရပ်လေးတွေက ရသခံစားနိုင်အောင် ဗဟုသုတရအောင်ဖန်တီးပေးနေတာက စာပေတွေပေါ့ လူသားတွေဟာ မဖြစ်မနေ စာဖတ်ကြရပါတယ် ဒါမှ အမြင်သစ်အတွေးသစ်တွေနဲ့အတူ ဗဟုသုတတွေ ရလာနိုင်မှာကိုး ဒါဆိုဘယ်လိုစာပေမျိုးတွေဖတ်ကမလဲ မီးချစ်ခံယူထားတာကတော့ စာပေတိုင်းမှာယူတတ်ရင် ဗဟုသုတရတာပါပဲ ခုလည်း စာလေးတစ်ပုဒ် ဖတ်ပီး ကြိုက်လို့ ပြန်ဝေမျှလိုက်ပါတယ် ဖတ်ကြည့်ပါအူး နော်

             သွေးစကား

သွေးစကား

သံ​ယောဇဉ်​ဟူသည်​ ရစ်​တွယ်​​နှောင်​ဖွဲ့တတ်​​သော သ​ဘောသဘာဝရှိ၏။ သံ​ယောဇဉ်​သည်​ဆိုမှာ အာရုံတစ်ပါးပါးဖြင့်​ ထိ​တွေ့ခံစားမိလျှင်​ ထိုအချင်းအရာအ​ပေါ် နှစ်​လိုဖွယ်​ရှိကာ အာရုံတွင်​စွဲထင်​ကျန်​ရစ်​ခဲ့ခြင်းပင်​ဖြစ်​သည်​။ ထို့အပြင်​ မကြားရ၊ မမြင်​ရ​သော်​လည်း ​စိတ်​ခံစားမှုဖြင့်​ သံ​ယောဇဉ်ရှိ​နေတတ်​ကြသည်​။ ဤကား ​သွေးက​ပြော​သော
"​သွေးစကား" ပင်​ မဟုတ်​ပါ​လော။
xxxxxxxxxxxxxxxxxxxxxxxxxxxxxxxxxxxx
ဒီ​နေ့ ​ဖေကြီးက သမီးကို ​ သူ့ဆိုင်​ကို ​ခေါ်မယ်​တဲ့။ သမီး​ပျော်​လိုက်​တာ အရမ်းပဲ။ သမီးစိတ်​ထဲမူ တစ်​ခါမှဒီလို မဖြစ်​​ပေါ်ဖူးဘူး။ ရင်​​တွေလည်း အရမ်းခုန်​တယ်​။ မှန်​ထဲမှာ သမီးကိုသမီး ခဏခဏကြည့်​​နေရတာ အ​မော။ ​မေ​မေဝယ်​​ပေးထားတဲ့ အဝတ်​အစားအသစ်​​တွေ ဝတ်​ထားရတာ ​နေရထိုင်​ရ​တော့ အခက်​သား။ သမီးအလှဆုံးပြင်​ထားမှ ကိုကြီးက သမီးက်ိုချစ်​မှာ။ ဒီ​နေ့က ​ဖေကြီးရဲ့သား ကိုကြီးနဲ့ ပထမဦးဆုံး ​တွေ့ရမှာ​လေ။ သမီးကို ကိုကြီးသ​ဘောကျ​​အောင်​ အလှပဆုံးဝတ်​စားထားတာ။ ​ဖေကြီးက သမီးကိုကြိုတင်​​ပြောထားတယ်​။
ကိုကြီးက သမီးကိုချစ်​​အောင်​ ​နေရမယ်​တဲ့။ဒါ​ကြောင့်​ သမီးကိုမြင်​ပြီး ကိုကြီးချစ်​စိတ်​ဝင်​​လာ​အောင်​ အလှပဆုံးလိမ်းခြယ်​ထားရတာ။ ​ဟော ​ပြောရင်းဆိုရင်း အိမ်​​ရှေ့မှာ ဆိုင်​ကယ်​ရပ်​လိုက်​တဲ့အသံကြားတယ်​။ ​ဖေကြီး ​ရောက်​လာပြီ ထင်​ပါရဲ့။ သမီးထင်​တဲ့အတိုင်းပဲ ဖေကြီးက အိမ်​​ရှေ့တံခါးမှာ သမီးကို​စောင့်​​နေတာ ​တွေ့တယ်​။
သမီးလည်း ​ဖေကြီးဆီအ​ပြေးအလွှားသွားလိုက်​တယ်​။ ဖေကြီးက သမီးဝတ်​စားထားတာကြည့်​ပြီး သ​ဘောကျလို့ မဆုံးဖြစ်​​နေတာ​လေ။ သမီးစိတ်​ထဲ အားတက်​မိတယ်​။ ​ဖေကြီးရဲ့ ဆိုင်​ကယ်​​နောက်​ကို အသာထိုင်​လိုက်​တယ်​။ ဒီတစ်​ခါ ​ဖေကြီးရဲ့ဆိုင်​ကယ်​​နောက်​မှာ စီးရတာက ခါတိုင်း​ကျောင်းကြို​ကျောင်းပို့လုပ်​တဲ့ အခါထက်​ပိုပြီး ​ပျော်​ရွှင်​မိတယ်​။ကြည်​နူး​ပျော်​ရွှင်​မိတာ မ​ပြောပြတတ်အောင်​ဘဲ။
ဖေကြီးက လက်​ဖက်​ရည်​ဆို​င်​​တစ်​ဆိုင်​​ထဲ ဆိုင်​ကယ်​​ကိုထိုးရပ်​လိုက်​တယ်​။ သမီးလည်း ဆိုင်​နာမည်​ကို ​သေချာဖတ်​လိုက်​တယ်​။ဆိုင်​နာမည်​က ​တစ်​လုံးထဲပဲ"​ကောင်း"တဲ့။ ဒီဆိုင်​က ​ဖေကြီးရဲ့ဆိုင်​နာမည်​​ပေါ့။ ​ဖေကြီးက ကိုကြီးရဲ့နာမည်​"​ကောင်းမင်းခန့်​"ကို ယူပြီး "​ကောင်း"လို့ နာမည်​​ပေးထားတာ​လို့ ​​မေကြီးက ​ပြောဖူးတယ်​။
ဆိုင်​ထဲကို ​အကဲခတ်​ ကြည့်​မိ​တော့ ဆိုင်​ထဲမှာ ထိုင်​​နေတဲ့လူအ​ရေအတွက်​က သိပ်​​တော့မများဘူး။ အဲလို အကဲခတ်​ရင်း ကိုကြီးကို​တွေ့လိုက်​ရတယ်​။ ကိုကြီးက လက်​ဖက်​ရည်​ ​ဖျော်​​နေတာ​လေ။ ကိုကြီးက ​ဖေကြီးနဲ့ အရမ်းတူတာပဲ။ ကိုကြီးက လက်​ဖက်​ရည်​​ဖျော်​​နေတာက​နေ သမီးကို လှမ်းကြည့်​တယ်​။ ဆိုင်​ထဲဝင်​ဖို့ သမီး မဝံ့မရဲဖြစ်​မိတယ်​။ စိတ်​ထဲလည်း ​ကြောက်​တာလိုလိုနဲ့ စိုးရိမ်​ထိတ်​လန့်​မိတယ်​။ ​ဖေကြီးရဲ့ အ​နောက်​က​နေ မသိမသာကပ်​လိုက်​ပြီး ဆိုင်​ထဲဝင်​လာလိုက်​တယ်​။ ဖေကြီးအားကိုးနဲ့ ဆိုင်​ကိုလိုက်​လာခဲ့ရတာ။ ​ဖေကြီးက လွတ်​​နေတဲ့ စားပွဲဝိုင်းတစ်​ခုမှာ သမီး ဒီမှာထိုင်​လို့​ပြောတယ်​။ သမီးလည်း ​ဖေကြီး​ပြောတဲ့ စားပွဲမှာ ဝင်​ထိုင်​လိုက်​တယ်​။ ပြီး​တော့ ​ဖေကြီးက ဘာစားမလဲ သမီးတဲ့။ အခုမှ အမှတ်​ရတယ်​။ မနက်​ကတည်းက အ​ပျော်​လွန်​ပြီး သမီး ဘာမှမစားရ​သေးဘူး။သမီးလည်း ​ဖေကြီးကို"ယံယံ​ခေါက်​ဆွဲပြုတ်​"​သောက်​မယ်​လို့ ​ပြောလိုက်​တယ်​။ အဲဒီလို​ပြောရင်း မလုံမလဲစိတ်​​နဲ့ ကိုကြီးကို ကြည့်​မိ​တော့ ကိုကြီးက လက်​ဖက်​ရည်​​ဖျော်​​နေရင်းနဲ့ သမီးကို အ​သေအချာကြည့်​​နေတယ်​။ သမီးဣ​နြေ္ဒ​ရရ ပြင်​ထိုင်​လိုက်​ရတယ်​။ ​တော်​ကြာ ကိုကြီးက သမီးကိုမချစ်​ရင်​ ​ဘယ်​နဲ့လုပ်​မလဲ။ ကိုကြီးက အသားဖြူဖြူနဲ့ လူ​ချောလူခန့်​တစ်​​ယောက်​ဆိုတာ သတိထားမိလိုက်​မိတယ်​။ ကိုကြီးကို အသာခိုးကြည့်​မိ​တော့ ​ဖေကြီးက ကြိုကီးကို စကား​ပြော​နေတာ ​တွေ့လိုက်​တယ်​။ သမီးစားဖို့ရာအတွက် ​ယံယံ​ခေါက်​ဆွဲပြုတ်​လုပ်​​ပေးဖို့ ကိုကြီးကို ​ပြော​နေတာ ထင်​မိတယ်​။ ကိုကြီးက သမီးအတွက်​ လုပ်​​ပေးပါ့မလား။ ကိုကြီးက ယံယံထုပ်​ကို ​ဖောက်​​နေတာ ​တွေ့​တော့ သမီး​ပျော်​လိုက်​တာအရမ်းပဲ။ ကိုကြီးက ယံယံ​ခေါက်​ဆွဲပြုတ်​လုပ်​​ပေး​နေရင်း သမီးကိုလှမ်းကြည့်​တယ်​။ သမီးလည်း မျက်​နှာလွှဲပြီးဖွင့်​ထားတဲ့ တီဗွီကိုကြည့်​​​နေလိုက်​​ယ်​။ တီဗွီထဲ​တော့ စိတ်​ကမ​ရောက်​ဘူး။ ကိုကြီးကိုမသိမသာခိုးကြည့်​ရင်း စိတ်​ထဲကြည်​နူး​နေမိတာ။ ကိုကြီးကိုကြည့်​လိုက်​ ကိုကြီးက သမီးကိုကြည့်​ရင်​ မျက်​နှာလွှဲလိုက်​နဲ့ စိတ်​ကြည်​နူးစရာ ​ကောင်းလိုက်​တာ။ ဒီလိုနဲ့ ​ဖေကြီးက သမီးကို ယံယံ​ခေါဆွဲပြုတ်​လာချ​ပေးသွားတယ်​။ ပြီး​တော့ ​ဖေကြီးက ​ပြောသွား​သေးတယ်​။ ​ဖေကြီး​ရေချိုးလိုက်​ဦးမယ်​တဲ့။ သမီးလည်း ​ခေါင်းညိမ့်​ပြလိုက်​မိတယ်​။ ဗိုက်​ကအရမ်းဆာ​နေပြီ​လေ။
အငွေ့တ​ထောင်း​ထောင်းထ​နေတဲ့ ​ယံယံ​ခေါက်​ဆွဲပြုတ်​ရဲ့ အနံ့က သင်းပျံ့လို့​ပေါ့။ ယံယံ​​ခေါက်​ဆွဲပြုတ်​ကို ကြည့်​မိ​တော့ ကြက်​ဥအနှစ်​​လေး​တွေက ဟိုတစ်​စ ဒီတစ်​စ​တွေ့လိုက်​တယ်​။ ဟင်​~​ဖေကြီးက ကိုကြီးကို ထည့်​ခိုင်းလိုက်​တာလား။ ဒါမှမဟုတ်​ ကိုကြီးကပဲ သမီးကို စား​စေချင်​လို့ ထည့်​​ပေးလိုက်​တာလား။
အ​ငွေ့တ​ထောင်း​ထောင်းနဲ့ ယံယံ​ခေါက်​ဆွဲပြုတ်​ပူပူ​နွေး​နွေးက အရမ်းစားလို့​ကောင်းတာပဲ။သမီးလည်း ဗိုက်​ဆာဆာနဲ့ ​ခေါင်း​တောင်​မ​ဖော်နိုင်​ဘဲ စား​နေမိတယ်​။ ​ချွေး​တွေတဒီးဒီးကျပြီး
ယံယံ​ခေါက်​ဆွဲပြုတ်​ကုန်​ခါနီးကျမှ ပတ်​ဝန်းကျင်​ကို သတိထားကြည့်​မိတယ်​။ ဟင်​~ကိုကြီးက သမီးကို ကြည့်​​နေပါလား။ မျက်​နှာ​ပေါ်စီးကျ​နေတဲ့ ​ချွေး​တွေကို အလျင်​အမြန်​ တစ်​ရှူးစနဲ့ သုတ်​လိုက်​တယ်​။ ကိုကြီး အ​ထင်​​သေးခံရမှာကို ​သမီး​ကြောက်​တယ်​။ ကိုကြီးက အထင်​​သေးပြီး သမီးကို မချစ်​ရင်​
ဒုက္ခဖြစ်​မှာ။ ​ဖေကြီးကလည်း သမီးကို စိတ်​ဆိုးမှာ​လေ။ ဒါ​ကြောင့်​ သမီး လက်​ကျန်​ယံယံ​ခေါက်​ဆွဲပြုတ်​​လေးကို ဣ​နြေ္ဒရရ စားလိုက်​တယ်​။ ယံယံ​ခေါက်​ဆွဲပြုတ်​ချဉ်​ငံစပ်​​ကြောင့်​ ငရုတ်​သီးစပ်​ပြီး ပါးစပ်​ပူ​နေ​ပေမဲ့ ​ရေထ​သောက်​ဖို့ မရဲဘူး။ ​တော်​ကြာ်​ ကိုကြီး မကြိုက်​ရင်​ အခက်​။ ပါးစပ်​ကို အသာဟပြီး ​လေကို ရှုသွင်းရှုထုတ်​လုပ်​​နေမိတယ်​။ အဲလို လုပ်​ရင်း ဟိုဟိုဒီဒီ​လျှောက်​ကြည့်​မိ​တော့ နံရံ​ပေါ်မှာ ဓာတ်​ပုံတစ်​ပုံ​တွေ့တယ်​။ ဓာတ်​ပုံထဲမှာ ​ဖေကြီးရယ်​၊ကိုကြီးရယ်​နဲ့ သမီးမသိတဲ့ အန်​တီကြီးတစ်​​ယောက်​နဲ့။ ​​ဖေကြီးရဲ့ဇနီး၊ ကိုကြီးရဲ့​မေ​ပဲဖြစ်​မယ်​။ ကိုကြီးက သူတို့​ရှေ့မှာ ရှင်​​လောင်းအဝတ်​အစားဝတ်​ပြီး ကိုကြီးက ပြုံး​နေတာ။ ကိုကြီး​ကို ​ရှင်​ပြု​ပေးတုန်းက ပုံ​ပေါ့။ ဓာတ်​ပုံထဲမှာ ကိုကြီးပြုံး​နေတဲ့ပုံစံက အရမ်းချစ်​ဖို့​ကောင်းလိုက်​တာ။ အခုက ကိုကြီးပြုံး​နေတာကို တစ်​ခါမှ မ​တွေ့ရဘူး။ ကိုကြီးက သမီးကို အထင်​​သေးပြီး မချစ်​လို့များလား။သမီးကို စကား​လေးတစ်​ခွန်း​တောင်​ မ​ပြောဘူး။တော်​တော်​​နေနိုင်​တဲ့ ကိုကြီးပါလား။ ကိုကြီးကို ကြည့်​မိ​တော့ ကိုကြီးက သမီးကိုကြည့်​​နေတာ။ ကိုကြီးရဲ့ စူးရှတဲ့ မျက်​ဝန်း​တွေကို သမီး ရင်​မဆိုင်​ရဲဘူး။ သမီးကို မမုန်းပါနဲ့ ကိုကြီး။
ကိုကြီးမုန်းမှာ သမီးအရမ်း​ကြောက်​တယ်​။ ကိုကြီးမကြိုက်​ရင်​ သမီးမကြည့်​​တော့ပါဘူး​နော်​။သမီးကို ခွင့်​လွှတ်​ပါ​နော်​ ကိုကြီး။
ဒါ​ကြောင့်​မို့ သမီးဓာတ်​ပုံကို ကြည်​​နေရာက​နေ လွှဲဖယ်​ပြီး တီဗွီကို ကြည့်​လိုက်​တယ်​။ တီဗွီမှာလာ​နေတဲ့ ဇာတ်​လမ်းက အစ်​ကိုဖြစ်​သူက ညီမဖြစ်​သူကို အသက်​​ဘေးက​နေ ကယ်​လိုက်​တဲ့ ဇာတ်​လမ်း။ အပြင်​မှာ ညီမ​လေးတစ်​ခုခုဖြစ်​ရင်​ ကိုကြီးက သမီးကို ကယ်​ပါ့မလားဆိုတဲ့အ​တွေးက ​ခေါင်းထဲတိုးဝင်​လာတယ်​။အဲ့ဒီအ​တွေး​ကြောင့်​ ကိုကြီးကို ကြည့်​မိ​တော့ ကိုကြီးက သူ့ဖုန်းကိုဖွင့်​ပြီး ဂိမ်း​ဆော့​နေတာ ​တွေ့တယ်​။ပါးစပ်ကလည်း သမီးမသိတဲ့ သီချင်းတစ်​ပုဒ်​ကို ဆို​နေ​သေးတယ်​။တကယ်ဆို ​ဘေးနားက​နေရပ်​ပြီး ကိုကြီးဂိမ်း​ဆော့တာကို သမီးကြည့်​ချင်​တာ​ပေါ့။ပြီးရင်​ ကိုကြီးဆီက ဖုန်းကိုလုပြီး သမီးဂိမ်း​ဆော့မယ်​​လေ။ စိတ်​ကူးနဲ့ပုံ​ဖော်​မိတဲ့ ဘဝ​လေးက ​ပျော်​ရွှင်​ကြည်​နူးစရာ အပြည့်​။
အခုဖြစ်​​နေတာနဲ့တခြားဆီပဲ။ ဒါ​ပေမဲ့ ​ရေချိုးပြီးသွားတဲ့​ဖေကြီးက သမီး​လေးပြန်​ရ​အောင်​နော်​တဲ့။ ပြီး​တော့ ​ပြော​သေးတယ်​။ ​တော်​ကြာ သမီး​မေ​မေက​မျှော်​​နေ​တော့မှာတဲ့။
တကယ်​ဆို သမီးမပြန်​ချင်​​သေးဘူး။ ​ဖေကြီးရဲ့ဆိုင်​မှာ​နေချင်​​သေးတာ။ ကိုကြီးက သမီးကို ဘာစကားမှ မ​ပြော​သေးဘူး​လေ။ ကိုကြီးဆီက ချစ်​ခြင်း​မေတ္တာကို သမီးရချင်​​သေးတယ်​။ ဒါ​ပေမဲ့ ​ဖေကြီးက သမီးကိုစိတ်​ဆိုးပြီး ​နောက်​တစ်​ခါဆိုင်​ကို မ​ခေါ်မှာစိုးရိမ်​ရ​သေးတယ်​။ ဒါနဲ့ပဲ ​ဖေကြီးရဲ့​စကားကိုနား​ထောင်​မိတယ်​။အိမ်​​ရောက်​ရင်​တကယ်​ကို ပျင်းစရာကြီးရယ်​။ ​ဖေကြီးရဲ့ ဆိုင်​ကယ်​​​ပေါ်က​နေ ကိုကြီးကိုကြည့်​မိ​တော့ ကိုကြီးကလည်း သမီးကိုကြည့်​​နေတာ​ တွေ့တယ်​။ ဘယ်​ကဘယ်​လိုဖြစ်​တယ်​မသိဘူး။ ဆိုင်​ကယ်​ထွက်​ခါနီး ကိုကြီးကို လက်​ပြနှုတ်​ဆက်​လိုက်​တယ်​။ ဆိုင်​ကယ်​က တစ်​ရိပ်​ရိပ်​နဲ့ ​ဖေကြီးဆိုင်​နဲ့​ဝေးရာကို ဦးတည်​​နေပြီ။
ဒါ​ပေမဲ့ ကိုကြီးရဲ့ ပုံရိပ်​​တွေက သမီးရင်​မှာကပ်​တွယ်​ငြိပါလာတယ်​။ ကိုကြီးက သမီးကို စကားတစ်​ခွန်းမှ မဆို​ပေမဲ့ ကိုကြီးကို သမီးချစ်​တယ်​။ ဖြစ်​နိုင်​ရင်​​လေ ကိုကြီးနဲ့​ဖေကြီးတို့ရဲ့ ဘဝ​လေးထဲကို သမီးကိုဝင်​ခွင့်​ပြုပါ​နော်​။
xxxxxxxxxxxxxxxxxxxxxxxxxxxxxxxxxxxx
ဒီ​နေ့​ဖေဖက သူ့သမီးကို ဆိုင်​ကို​ခေါ်လာမယ်​တဲ့။ ​ဖေ​ဖေ့ရဲ့သမီးဆို​တော့ ကျွန်​​တော့်​ညီမ​လေး​ပေါ့။ ညီမ​လေးကို တစ်​ခါမှ မမြင်​ဘူး​ပေမဲ့ သိမ်​ငယ်​စွာနဲ့ ​လောကကြီးထဲကို ဘာမှမသိရှာဘဲ ဝင်​​ရောက်​လာခဲ့ရတဲ့ညီမ​လေးရဲ့ဘဝ။ ညီမ​လေးကို သနားမိတယ်​။ ​ညီမ​လေးကို အပြစ်​မတင်​ပါဘူး။ ညီမ​လေးမှာ ဘာအပြစ်​ရယ်​လို့မှ မရှိတာ။ ​ဟော~​ပြောရင်းဆိုရင်း ​ဖေ​ဖေ့ရဲ့ဆိုင်​ကယ်​​​နောက်​မှာ အသက်​ ၉နှစ်​အရွယ်​ ​ကောင်​မ​လေးတစ်​​ယောက်​။အဲဒီ ​ကောင်​မ​လေးက ကျွန်​​တော်​မြင်​ဖူးချင်​​နေတဲ့ ညီမ​လေးပဲဖြစ်​မယ်​။
ညီမ​လေးက အလှဆုံးဖြစ်​​အောင်​ သစ်​လွင်​​တောက်​ပတဲ့ အဝတ်​အစား​တွေကို ဝတ်​စားထားတယ်​ ထင်​ပါရဲ့။ ဒါ​ပေမဲ့ ညီမ​လေးက အသားဖြူဖြူ ​သေး​သေးသွယ်​သွယ်​နဲ့ အရမ်းချစ်​စရာ​ကောင်းတယ်​။ အင်း​လေ_ညီမ​လေးက ဆိုင်​ကိုပထမဆုံးအကြိမ်​လာတာ ဆို​တော့ အဝတ်​အစားသစ်​​တွေ ဝတ်​လာတာဖြစ်​မယ်​။ ညီမ​လေးက မဝံ့မရဲနဲ့ ​ဖေ​ဖေ့​နောက်​က ကပ်​လိုက်​လာတယ်​။ ​ဖေ​ဖေက ညီမ​လေးကို စားပွဲဝိုင်းအလွတ်​တစ်​ခုမှာ ​ထိုင်​ဖို့​​နေရာပြလိုက်​တယ်​။ ညီမ​လေးကလည်း အလိုက်​တသိနဲ့ ထိုင်​ခုံမှာဝင်​ထိုင်​လိုက်​တယ်​။ ပြီး​တော့ ​ဖေ​ဖေက ညီမ​လေးစားချင်​တာကို ​မေး​နေတယ်​ထင်​ပါရဲ့။ ခဏ​နေ​တော့ ​ဖေ​ဖေက ညီမ​လေးအတွက်​ ​ယံယံ​ခေါက်​ဆွဲပြုတ်​တစ်​ပွဲ​လုပ်​​ပေးဖို့ ​ပြောတယ်​။ ကျွန်​​တော်​လည်း ​ဖေကြီးကို လက်​ဖက်​ရည်​​ဖျော်​ဖို့ ​ပြောပြီး ညီမ​လေးအတွက်​ ယံယံ​ခေါက်​ဆွဲပြုတ်​ကို လုပ်​​ပေး​နေမိတယ်​။ ဒါ့အပြင်​ ညီမ​လေးကို စား​စေချင်​လို့ ယံယံ​ခေါက်​ဆွဲပြုတ်​ထဲကို ကြက်​ဥတစ်​လုံးကို ​ဖောက်​ထည့်​လိုက်​တယ်​။ ညီမ​လေးအတွက်​ လုပ်​​ဆောင်​​ပေးမိတဲ့ ပထမဆုံး​​မေတ္တာတရား ထားရှိ​မှု​ပေါ့။ ယံယံ​ခေါက်​က်​ဆွဲပြုတ်​​လုပ်​​ပေး​နေရင်းက​နေ ညီမ​လေးကို ကြည့်​မိ​တော့ ညီမ​လေးက ကျွန်​​တော့်​ကိုကြည့်​​နေရာက​နေ မျက်​နှာကိုလွှဲပစ်​လိုက်​တယ်​။ ကျွန်​​တော့်​ကို ​ကြောက်​​ရွံ့စိုးထိတ်​​နေတယ်​ ထင်​ပါရဲ့။ ညီမ​လေးကြည့်​​နေတဲ့တီဗွီကို ကြည့်​လိုက်​​တော့ အရင်​ရက်​က ကြည်​ခဲ့ဖူးတဲ့ ငါးရာနှစ်​ဆယ့်​ရှစ်​​မေတ္တာဖွဲ့ အင်္ဂလိပ်​ အက်​ရှင်​ဇာတ်​ကား တစ်​ကား။ ညီမ​လေး စားဖို့ ယံယံ​ခေါက်​ဆွဲအဆင်​သင့်​ဖြစ်​​တော့ ​ဖေ​ဖေ့ကို ယံယံ​ခေါက်​ဆွဲပြုတ်​ရပြီလို့ ​ပြောလိုက်​မိတယ်​။ ကျွန်​​တော်​ကိုယ်​တိုင်​ သွား​ပို့​ပေးဖို့ စိတ်​ထဲမှာ စိုးထင့်​​နေတယ်​။ ဘယ်​အ​ကြောင်းတရားက ကျွန်​​တော့်​ကို ဟန့်​တားထားတာလဲဆိုတာ ကျွန်​​တော်​မသိဘူး။ ​ဖေကြီးက ညီမ​လေးအတွက်​ ယံယံ​ခေါက်​ဆွဲပြုတ်​ချ​ပေးပြီး ​ရေချိုးဖို့ ထွက်​သွားပြီ။ တကယ်​ဆို ​ဖေ​ဖေကြီးက ညီမ​လေးနဲ့ကျွန်​​တော့်​ကို မိတ်​ဆက်​​ပေးသင့်​တာ​ပေါ့။ အခု​တော့ ညီမ​လေးနဲ့ကျွန်​​တော်​က တစိမ်းပြင်​ပြင်​ အ​နေအထား။ ညီမ​လေးက ဗိုက်​ဆာ​နေတာ ထင်​ပါရဲ့။ ယံယံ​ခေါက်​ဆွဲပြုတ်​ရပြီဆိုတာနဲ့ အားရပါးရစား​နေလိုက်​တာ ​ခေါင်း​တောင်​မ​ဖော်​​တော့ဘူး။ ညီမ​လေးနဖူး​ပေါ်မှာ ​ချွေး​တွေက စီးကျလို့​ပေါ့။ကျွန်​​တော်​လုပ်​​ပေးတဲ့ယံယံကို အရသာရှိရှိစား​နေတာ​လေ။ ညီမ​လေး အရသာရှိရှိစား​နေတာကြည့်​ပြီး ကျွန်​​တော်​ ပီတိဖြစ်မိတယ်​။
ညီမ​လေးက ​အခုမှ ​ဘေးပတ်​ဝန်းကျင်​ကို သတိထားမိတယ် ထင်​ပါရဲ့။ ပြီး​တော့ ညီမ​လေးက ကျွန်​​တော့ကိုကြည့်​တယ်​။ ကျွန်​​တော်​လည်းမျက်​နှာကို အလျင်​မြန်​လွှဲလိုက်​တယ်​။ ညီမ​လေးက ကျွန်​​တော်​သူ့ကို ကြည့်​​နေတာသိရင်​ ရှက်​ရွံ့သိမ်​ငယ်​သွားမှာ​လေ။အဲ့ဒီလိုဖြစ်​မှာ ကျွန်​​တော်​မလိုချင်​ဘူး။ ညီမ​လေး လက်​ကျန်​ယံယံ အနည်းငယ်​ကို သိမ်​သိမ်​​မွေ့​မွေ့စား​နေတာ​တွေ့တယ်​။ ညီမ​လေးခမျာ ကျွန်​​တော်​ကြည့်​​နေတာသိသွားတယ်​ ထင်​ပါရဲ့။
ပြီး​တော့ ကျွန်​​တော့်​အထင်​​သေးမှာ စိုးရိမ်​​နေလားမသိဘူး။ ​ဟော~ကြည့်​စမ်းပါဦး ငရုတ်​သီးစပ်​​နေပြီ။ ညီမ​လေးက ငရုတ်​သီးစပ်​​နေ​ပေမဲ့ ​ရေ​အိုးစဉ်​မှာ ​ရေမ​သောက်​ဝံ့ဖြစ်​​နေတာ။ သူ့ပါးစပ်​​လေးကို ဟပြီးငရုတ်​သီးအစပ်​​ပြေ​အောင်​ လုပ်​​နေရှာတယ်​။ ငရုတ်​သီးအစပ်​​ပြေ​အောင်​ ​ရေ​သောက်​လိုက်​ပါ ညီမ​လေးရယ်​။ ညီမ​လေးက ဟိုကြည့်​ဒီကြည့်​လုပ်​​နေတယ်​။ မကြည့်​နဲ့ညီမ​လေး။ မင်း​ရှေ့ဆက်​ပြီးမကြည့်​နဲ့။မင်းစိတ်​ထိခိုက်​​ရလိမ့်​မယ်​။ ညီမ​လေးကို ကျွန်​​တော်​စိတ်​ထဲကတား​နေ​ပေမဲ့ မရဘူး။ညီမ​လေးက လွန်​ခဲ့တဲ့ခြောက်​နှစ်​ ကျွန်​​တော်​​ငါးတန်းအရွယ်​ အလှူ​ပေးတုန်းက ဓာတ်​ပုံကို ကြည့်​​နေတာ။ ညီမ​လေးစိတ်​ထဲမှာ ဘယ်​လိုခံစား​နေရပါလိမ့်​။ ကျွန်​​တော်​စိတ်​ပူမိတယ်​။ ညီမ​လေးနဲ့အတူ ဓာတ်​ပုံကိုကြည့်​မိ​တော့ ​မေ​မေရဲ့အပြုံးမျက်​နှာကို မြင်​မိတယ်​။
သြော်​ ​မေ​မေ​တောင်​သားနဲ့​ဖေ​ဖေ့ကို ခွဲသွားတာ သုံးနှစ်​သုံးမိုး ​ကျော်​ခဲ့ပြီပဲ။ ​ပျော်​ရွှင်​မှု​အချို့ ဆိတ်​သုန်းခဲ့ရတဲ့အတိက်​ကို ကျွန်​​တော်​ ပြန်​မစဉ်းစားချင်​ဘူး။မေ​မေ့ရဲ့ဝမ်းနည်းစရာ မြင်​ကွင်းအချို့။ ဒါဘယ်​သူ့အမှားလဲ။ ဘယ်​သူပဲမှားခဲ့ပါ​စေ အခု ကျွန်​​တော့်​​ရှေ့မှာ
ဖြူစင်​တဲ့ပန်း​လေးတစ်​ပွင့်​။ သူ့ကို ​ရေ​လောင်း​ပေါင်းသင်​ပြီး ကျွန်​​တော်​ပြုစုရမယ်​​လေ။ အဲ့ဒီပန်း​လေးဟာ ညီမ​လေး​ပေါ့။ ညီမ​လေးရယ်​ မင်းဟာဖြူစင်​တဲ့က​လေးတစ်​​ယောက်​ပါ။ မင်းရဲ့​ရှေ့ဆက်​ရမဲ့ဘဝမှာ ရင်​နာစရာ အဖြစ်​အပျက်​​တွေ မ​ပေးချင်​ဘူး။ မင်းဘဝကို ​အေး​အေးချမ်းချမ်းနဲ့ ဖြတ်​သန်း​စေချင်​တယ်​ ညီမ​လေးရယ်​။ ဟင်​~ညီမ​လေးကိုကြည့်​ပြီး ​လျောက်​​တွေး​နေမိတာ ညီမ​လေး သတိထားမိသွားပြီ။ ကျွန်​​တော်​လည်း ကမန်း​ကတန်းနဲ့ ဖုန်းကို
ကောက်​ကိုင်​ပြီး ဂိမ်းဖွင့်​​ဆော့​နေလိုက်​တယ်​။မသိမသာ ညီမ​လေးကို အကဲခတ်​ရင်း​ပေါ့။ ညီမ​လေးက တီဗွီကိုစိတ်​ဝင်​တစားကြည့်​​နေတယ်​။ ကျွန်​​တော်​လည်း တီဗွီကိုကြည့်​မိလိုက်​တယ်​။ တီဗွီမှာလာ​နေတဲ့ဇာတ်​လမ်းရဲ့ ​နောက်​ဆုံးခန်း။ အစ်​ကိုဖြစ်​သူက ညီမ​လေးကို လူဆိုး​တွေလက်​ထဲက​နေ ကယ်​တင်​လိုက်​တဲ့ဇာတ်​သိမ်းခန်း​ပေါ့။
လက်​​တွေ့မှာ​ရော​ ညီမ​လေး တစ်​ခုခုဖြစ်​ရင်​ ကျွန်​​တော်​ ကယ်​တင်​နိုင်​ပါ့မလား။ ကျွန်​​တော်​မသိချင်​ဘူး။ ညီမ​လေးက အဲလိုဖြစ်​မှာ မဟုတ်​ပါဘူး​လေ။ အ​တွေးစိတ်​ကို​ဖျောက်​ဖျက်​ရင်း ဂိမ်းပြန်​​ဆော့​နေလိုက်​တယ်​။ ဂိမ်းသာ​ဆော့​နေရတာ ဂိမ်းထဲမှာ အာရုံက မ​ရောက်​ဘူး။ညီမ​လေးကို ကြည့်​မိ​တော့ ညီမ​လေးက စိတ်​ဝင်​တစားနဲ့ကျွန်​​တော့်​ကို ကြည့်​​နေပါလား။ညီမ​လေးလည်း ဂိမ်း​ဆော့ချင်​​တယ်​ ထင်​ပါရဲ့။ ညီမ​လေးရဲ့အိမ်​မှာ​ကော ဂိမ်း​ဆော့ရပါ့မလား။ ညီမ​လေးရဲ့​မေ​မေက ညီမ​လေးကို ဂိမ်း​ဆော့ခွင့်​​ပေးပါ့မလား။ သနားစရာ​ကောင်းတဲ့ ညီမ​လေး။ ​နောင်​ကျရင်​ ညီမ​လေးနဲ့အတူ ကိုကြီးတို့ တစ်​​ယောက်​တလှည့်​ ဂိမ်း​ဆော့ကျ​မယ်​​နော်​။ ​ဟော~​ဖေ​ဖေက ညီမ​လေးကို အိမ်​ပြန်​ကြဖို့ ​ပြော​နေပြီ။ ညီမ​လေးကို မပြန်​​စေချင်​​သေးဘူး။ ကျွန်​​တော်​နဲ့ညီမ​လေးကို ဘာဖြစ်​လို့ ရဲရဲဝံ့ဝံ့ ​တွေ့ခွင့်​မ​ပေးတာလဲ။ ဖေ​ဖေရဲ့​နောက်​မှာ ညီမ​လေးလိုက်​သွားရပြီ​ပေါ့။ ဒါ​ပေမဲ့ ညီမ​လေးရဲ့ ​ခြေလှမ်း​တွေက ​နှေး​ကွေး​နေသလိုပဲ။ညီမ​လေး မပြန်​ချင်​ရှာ​သေးဘူး ထင်​ပါရဲ့။ ဆိုင်​ကယ်​​ပေါ်တက်​ခါနီး ညီမ​လေးက ကျွန်​​တော့်​ကိုလှမ်းကြည့်​တယ်​။ ညီမ​လေးရဲ့ညှိုးငယ်​​နေတဲ့မျက်​ဝန်းတစ်​စုံ။ ဆိုင်​ကယ်​ထွက်​ခါနီး ညီမ​လေးက လက်​က​လေးပြပြီး ကျွန်​​တော့်​ကို နှုတ်​ဆက်​​နေပါလား။ ကျွန်​​တော့်​စိတ်​မ​ကောင်းဖြစ်​မိတယ်​။ ကျွန်​​တော်​ ညီမ​လေးကို လက်​ပြပြီးပြန်​မနှုတ်​ဆက်​မိဘူး။ ​သြော်​~ညီမ​လေးရယ်​ မင်းစိတ်​ထဲမှာ ဘယ်​လို ခံစား​နေရလဲဆိုတာ ကိုကြီးသိပါတယ်​။ ရွေးချယ်​ပိုင်​ခွင့်​မရှိဘဲ စိတ်​အားငယ်​ရတဲ့ဘဝတစ်​ခုကို ညီမ​လေး ပိုင်​ဆိုင်​ထားရတယ်​​လေ။ ဒါ​ပေမဲ့ စိတ်​ဓာတ်​မကျပါနဲ့ ညီမ​လေး။ အခုချိန်​မှာ ကိုကြီးက ညီမ​လေးကို စကားမ​ပြောဘဲ စိမ်းကားတဲ့အမူအရာဖြစ်​​နေ​ပေမဲ့ ကိုကြီးစိတ်​ထဲမှာ ညီမ​လေးကို ကိုကြီးရဲ့ ညီမ​လေးအရင်းတစ်​​ယောက်​အဖြစ်​ သတ်​မှတ်​လိုက်​ပါပြီ။ ကံကြမ္မာရဲ့ဖန်​တီး​ပေးမှုမှာ ရှင်​သန်​​နေရတဲ့ညီမ​လေးအတွက်​ အစစအရာရာ ဖြည့်​ဆည်း​ပေးဖို့ ကိုကြီးဆုံးဖြတ်​လိုက်​ပါပြီ။ ညီမ​လေးရဲ့​မေ​မေကသာ ခွင့်​ပြုမယ်​ဆိုရင်​ ​ဖေ​ဖေနဲ့ ကိုကြီးရယ်​ ပြီး​တော့ ညီမ​လေးရယ်​ ​ပျော်​​ပျော်​ရွှင်​ရွှင်​ ​နေကြမယ်​​နော်​ ညီမ​လေး။ အဲ့လို မိသားစုဘဝမျိုး မဖြစ်​နိုင်​ရင်​​တောင်​ ညီမ​လေး ဆိုင်​ကို လာတဲ့အခါတိုင်း ညီမ​လေးကြိုက်​တဲ့ ယံယံ​ခေါက်​ဆွဲပြုတ်​ကို အ​ကောင်းဆုံးဖြစ်​​အောင်​လုပ်​​ပေးမယ်​ ညီမ​လေး။ ဘယ်​​တော့မှ အားမငယ်​နဲ့​နော်​ ညီမ​လေး။ကိုကြီးကို ညီမ​လေးရဲ့ အစ်​ကိုအရင်းတစ်​​ယောက်​လို့ စွဲစွဲမြဲမြဲမှတ်​ထားလိုက်​ပါ။ ဖ​အေတူ အ​မေကွဲလွဲ​နေ​ပေမဲ့ ညီမ​လေး​ရှေ့ဆက်​ရမဲ့ ဘဝခရီးကို ဂရုစိုက်တစိုက်​နဲ့
ပြုစုပျိုး​ထောင်​​ပေးမယ်​။ ကိုကြီးတို့ဘဝထဲက​နေ ညီမ​လေးကို အမြဲတမ်းတံခါးဖွင့်​ ကြိုဆို​နေပါတယ်​ ညီမ​လေးရယ်​။

ဇော်ဇော်မောင်
ဖတ်ပြီးရင်ထဲမှာ နဲနဲကျန်နေခဲ့တယ် နံမယ်ကြီးစာရေးဆရာတွေတော့မဟုတ်ပါဘူး အစွမ်းရှိသလောက်ကြိုးစားနေတဲ့ဝါသနာရှင်တွေကို မီးချစ်ပြန် ဝေမျှကြေငြာပေးတဲ့သဘောလည်းပါသလိုစာဖတ်သူတွေကိုလည်း ဖတ်ကြည့်စေချင်လို့ပါ ရင်ထဲတခုခုကျန်ခဲ့ရင်ပြောပြခဲ့နော်

meechit