Mi komprenas viajn sentojn, sed fakte ju pli oni partoprenas en la sistemo, des pli oni komprenas ke oni fakte vere funkcias kiel komunumo. La mono ne estas enmetita de iu ajn, la sistemo kreas ĝin, do oni liberas helpi unu la alian gajni monon, sed pli grave, krei valoron. Jam la aferoj kiujn oni faras per Steemit estas multe pli ol nur blogi. Ekzemple estas radio en la sistemo kiu ricevas proponojn per la ena monsistemo. Oni konstruas aliajn sistemojn baze de la datumbazo kiu steemit fakte estas. Steemit ebligas homojn forlasi sistemojn kiuj misuzas ilin, liberigas homojn el situacioj kiujn ili ne elektis. Medium eble ankoraŭ pli bonas por ĝenerale bona enhavo. Steemit estas ne nur verka platformo aŭ monsistemo, ĝi estas komunumo de multaj homoj kiuj helpas unu la alian sendependiĝi. Jes, helpas. Multaj monaj sistemoj funkcias tiel ke oni provas ludi per la sistemo tiel ke oni ricevu pli ol la aliaj. Steemit kompreneble kie oni povas, funkcius same, sed provante tion oni rapide rimarkas ke tio ne funkcias. Ĉar ĉio tia estas vidata kiel cimo, kaj esence la socia elemento de la sistemo helpas ankaŭ eviti tion. Efektive Steemit ne estas kiel Medium, kaj mi ege ĝojas pri tio.