စေတန်ရဲ့သားတော် အပိုင်း(၁၄)
စေတန်ရဲ့သားတော်
အပိုင်း(၁၄): စတုမဟာရာဇ်နတ်ဘုံ
#######################
အရှင်ပညောဘာသက နောက်ဆုံးမှာတော့ ဗိမာန နတ်ယာဉ်ကြီးပေါ်ကို တက်ရန်ဆုံးဖြတ်လိုက်သည်။ လူ့ပြည်ကိုတောင်ထိခိုက်နိုင်တယ်ဆိုတဲ့ ဘယ်လိုမျိုးကိစ္စက နတ်ဘုံမှာဖြစ်နေတာပါလိမ့်။
ဗိမာနယာဉ်ကြီးက ပျံသန်းရင်း ပျံသန်းရင်းနှင့်ပင် တဖြည်းဖြည်းနှင့် ကောင်းကင်ပြာကြီးကိုကျော်လာခဲ့သည်။ အတန်ကြာကမ္ဘာမြေလေထုကိုကျော်ကာလာပြီးနောက် အာကာသထဲသို့ရောက်လာခဲ့သည်။ ဗိမာနယာဉ်ထဲကို လှည့်ပတ်ကြည့်တော့ ယာဉ်ကိုထိန်းချုပ်တဲ့ ခလုတ်တွေဘာမှမပါဝင်ဘဲ နတ်သမီးကိုယ်တိုင်ကသာ လက်လေးတွေနဲ့ဝှေ့ယမ်းပြီး ဟိုကွေ့ဒီကွေ့ထိန်းချုပ်ပြီး ယာဉ်ကိုစေလိုရာစေနေတာကိုသာတွေ့နေရသည်။ ဒီတော့ ရှင်ပညောဘာသကနေ စူးစမ်းသောသဘောဖြင့်မေးလိုက်သည်။
"ဒါကို ဘာလို့ခေါ်လဲ . . ."
"ဒါကို ဗိမာနယာဉ်လို့ခေါ်ပါတယ်ဘုရား . . . စတုမဟာရာဇ်နဲ့ တာဝတိံသာက နတ်တွေ များသောအားဖြင့် လိုက်ပါစီးနင်းကြပါတယ် . . ."
"အော် . . . ဦးပဉ္ဇင်းတို့ လူ့ပြည်မှာဆိုရင် ယာဉ်တွေသွားလာဖို့ဆိုရင် လျှပ်စစ်တို့ ဓာတ်ဆီတို့လိုမျိုး လောင်စာလိုအပ်တယ်။ ဒီမှာကော လောင်စာစွမ်းအင်လိုအပ်သေးတာလား . . ."
"ဒီမှာက ရေစွမ်းအင်နဲ့မီးစွမ်းအင်ကိုအသုံးပြုကာ စက်ကြိုးပေါင်း ၁၂ သွယ်၊ ဘီးလုံးတစ်လုံးနဲ့အတူ ယန္တရား ၃ ခု၊ ယန္တရားထောက်တံ ၃၀၀ နဲ့အတူ အခြားပစ္စည်းအမည် ၆၀ ပေါင်းထားပါတယ် . . ."
"ဒါဆို လူ့ပြည်က ယာဉ်တွေလိုမောင်းစရာမလိုဘူးလားကွယ့် . . ."
"လိုအပ်ပါတယ် အရှင်ဘုရား . . . ဗိမာနယာဉ်ကောင်းစွာ ပျံသန်းဖို့ လောင်စာတွေဖြစ်တဲ့ ရေစွမ်းအင်နဲ့ မီးစွမ်းအင်တို့ကို နတ်တို့တန်ခိုးထဲမှ လေစွမ်းအင်နဲ့ ပြန်လည်ထိန်းချုပ်ရတာပါ . . . . "
ထိုသို့စကားတစ်တွတ်တွတ်ပြောလာရင်းနှင့်ပင် ခရီးလမ်းတစ်နေရာတွင် တောင်ပုံသဏ္ဍာန်ရောင်စဉ်များ ဖြာနေသော နေရာတစ်ခုကို အဝေးမှလှမ်းမြင်နေရလေသည်။ နဂါးငွေ့တန်း ဂလက်ဆီမှအလင်းတန်းလှိုင်းများ ရွေ့လျှားမှုကလည်း သမုဒ္ဒရာကြီးတစ်ခုအသွင် . . .။ နတ်သမီးကတော့ ထိုနေရာကို လက်ညှိုးထိုးညွှန်ပြကာ -
"ဟိုးး မှာမြင်နေရတာက မြင်းမိုရ် တောင်ပင်ဖြစ်ပါတယ် . . ."
"ဘုရားဟောတွေထဲမှာပါတဲ့ မြင်းမိုရ်ဆိုတဲ့တောင်ပေါ့နော် . . . အတော်များများက အိန္ဒိယမှာ ရှိတယ်လို့ပဲယူဆနေကြတာ . . "
"မြင်းမိုရ်တောင်ဟာ စကြဝဠာမှာရှိတဲ့ ရုပ်လောက၊ ရုပ်နယ်လွန်လောကနဲ့ နာမ်လောကတို့အားလုံး တစ်နည်းအားဖြင့် စကြဝဠာလောကသုံးပါးဖြစ်တဲ့ သတ္တလောက သင်္ခါရလောက သြကာသလောက ဆိုတဲ့ လောကသုံးပါးရဲ့အလယ်ဗဟိုတည့်တည့်မှာတည်ရှိတာပါ . . .ဘုရား "
"ဒါဆို မြင်းမိုရ်တောင်က အားလုံးအခေါ်အာကာသထဲမှာပေါ့နော် . . . ဒီကနေ့ခေတ် တယ်လီစကုပ်တွေ ဂြိုဟ်တု အာကာသယာဉ်တွေတိုးတက်နေတာ ဒါကိုဘာကြောင့်မမြင်နိုင်သေးတာလဲ . . ."
"ဂေါတမ ဗုဒ္ဓက စကြဝဠာနဲ့ပတ်သတ်ပြီး သဲလွန်စတစ်ခုချန်ခဲ့ပါတယ် . . . ဘုရား . . တပည့်တော်မတို့ စကြဝဠာတစ်ခုလုံးမှာ ရူပဓာတုဘုံ (၁၆) ဘုံ၊ ကာမဓာတုဘုံ (၁၅) ဘုံနဲ့ အရူပဓာတုဘုံ(၄) ဘုံရှိပါတယ်ဘုရား . . . အားလုံးပေါင်း ၃၁ ဘုံရှိပြီးတော့ အချို့ဗြဟ္မာ့ဘုံနတ်ဘုံတွေဟာ ရူပနဲ့ အရူပ အမျိုးအစားနှစ်ပါးလုံးပါဝင်လာတာရှိတဲ့အတွက် ဘုံသုံးပါး ပေါင်းလဒ်က ၃၁ ကျော်နေရခြင်းပါ။ ဒီဘုံသုံးပါးဟာ ရှုထောင့် သတ်မှတ်ပုံချင်းမတူညီတဲ့အတွက် တစ်ပါးမှတစ်ပါးကို မမြင်ရပါဘူး . . .ထို့အတွက်ကြောင့် ဒီဘုံသုံးပါးလုံး ပေါက်ရောက်သွားလာနိုင်သူသာ မြင်းမိုရ်တောင်ကို မြင်နိုင်ပါတယ်ဘုရား . . .
နောက်တစ်ခုကတော့ ကောင်းကင်မှာမြင်နေရတဲ့ နေလနက္ခတ်များဟာ စတုမဟာရာဇ်နတ်ဘုံမှ နတ်ဘုံများဖြစ်တယ်ဟောကြားထားဖူးသလို မြင်းမိုရ်တောင်အလယ်မှာ စတုမဟာရာဇ် တောင်ထိပ်မှာ တာဝတိံသာနတ်ပြည်ရှိခဲ့ဖူးတယ်လို့ ဟောဖူးတာနဲ့ ချိတ်ဆက်ကြည့်မယ်ဆိုရင် မြင်းမိုရ်တောင်အလယ်မှာရှိတြဲ နတ်ပြည်က စတုမဟာရာဇ်ဖြစ်သလို ကောင်းကင်မှာမြင်နေရတဲ့ နေလနက္ခတ်တွေကသာ စတုမဟာရာဇ်လည်းဖြစ်မယ်ဆိုရင် မြင်းမိုရ်တောင်က အာကာသထဲမှာရှိတယ်လို့ မှတ်ယူလို့ရပါပြီ
. . ."
"အော် . . . ဒါဆို ဦးပဉ္ဇင်းက မြင်းမိုရ်တောင်ကို ဘာကြောင့်မြင်နေရသေးတာတုန်း . . ."
"ဗိမာနယာဉ်က ဒီဘုံသုံးပါးလုံးကို ဖြတ်ကျော်လာခဲ့နိုင်လို့ပါပဲ. . . မကြာမီ စတုမဟာရာဇ်ကို ရောက်ပါတော့မယ်ဘုရား . . . အရှင်ဘုရား . . .အဲ့ဒီကိုမရောက်ခင်တပည့်တော်မ ပြောပြချင်တာကတော့ . . . မီရာ ဆိုတဲ့ မိန်းမပျိုတစ်ဦးအကြောင်းပါဘုရား . . ."
"မီရာ . . . ဟုတ်လား . . .မီရာက ဘယ်လိုသူမို့လို့ပါလဲ . . ."
"မီရာက . . . ."
နတ်သမီးကတော့ မီရာအစချီကာ မီရာ မွေးစဉ်မှစ၍ ဖြစ်ပျက်သမျှကိစ္စအားလုံးကို ရှင်ပညောဘာသ သို့ပြောပြပါတော့သည် . . .။
အခုအချိန်မှာကော မီရာကဘယ်မှာပါလဲ . နောက်ပြီးတော့ ဘာတွေများဖြစ်နေတာပါလဲ . . .။
ပစ္စုပ္ပန်မီရာကတော့ . . . .။
× × × × × × × × × ×
နီဘီရုဂြိုဟ် . . .။
စတုပြည် . . .မဟာရာဇ်ရွာ . . .။
တစ်နည်းအားဖြင့် စတုမဟာရာဇ်ဘုံ . . .။
"၃၉၇"
မီရာက halo နှစ်ခုကို ချိတ်ဆက်ပြီးနောက် ရေတွက်လိုက်သည်။ သူမ ဘဝတစ်လျှောက်လုံး တာဝန်အရ halo များကိုချိတ်ဆက်ပေးနေသည်မှာ ၃၉၇ ခုပင်ရှိနေပြီ။ မကြာမီတွင်တော့ သူမတာဝန်လည်းကျေတော့မည်ဖြစ်သလို မနက်ဖြန်သည် သူမ၏ ၁၆ နှစ်ပြည့် မွေးနေ့သည်လည်းဖြစ်လေသည်။ စေတန်ပြောသလို နီဘီရုကိုပဲ ဖျက်ဆီးမိလေမလား . . သူမ ပဲတာဝန်ပြီးလို့ နိမ်နဲ့ပဲ အတူတူနေရမလားဆိုတာတော့ မီရာကိုယ်တိုင်လည်း မခန့်မှန်းနိုင်တော့ပါချေ။ မီရာလည်း လူမမြင်ရာ သစ်ပင်အကွယ်မှာပုန်းနေပြီး သက်ပြင်းကိုချလိုက်စဉ် လူနှစ်ယောက်ဖြတ်လာရင်း halo ထွက်လာတာကိုတွေ့လိုက်လေတော့ halo ချင်းတွဲချည်ရင်း -
"၃၉၈"
လို့ ရေရွတ်လိုက်ပါတော့သည်။
၃၉၉ နှင့် ၄၀၀ . . . . .။ မကြာမီမှာ မီရာ တကယ့်ကိုပဲ ပြီးဆုံးပါတော့မည်ဖြစ်သောကြောင့် နောက်ဆုံး halo နှစ်ခုအတွက် အလွန်ပင်စိတ်လှုပ်ရှားနေမိလေသည်။ ထိုအခိုက် -
"မီရာ . . ."
နိမ့်အသံကြားလိုက်သောကြောင့် မီရာနိမ့်ကို လှည့်ကြည့်လိုက်သည်။
"ဟူးး . . . .ရှင်လာတာနဲ့ အမောကိုပြေသွားတာပဲ
နိမ်"
မီရာက ပင်ပမ်းဟန်ပင်မပြတော့ဘဲ ချက်ချင်းတက်ကြွလာဟန်နှင့် ပြေးဖက်ကာ နှုတ်ခမ်းချင်းခဏတေ့ကာ နမ်းရှိုက်လိုက်ပြီးနောက် -
"နိမ် . . . မီရာ အရမ်းပျော်တယ်သိလား . . .ဒီနေ့လေ halo ၃၉၈ ခုထိပြီးပြီ . . . . မကြာမီ halo ၄၀၀ ပြည့်ဖို့ ၂ခုပဲလိုတော့တယ် . . ."
ဟု တက်ကြွကျယ်လောင်စွာပြောလိုက်သည်။ မီရာက စကားတွေဆက်တိုက်ပင် တတွတ်တွတ်နှင့်ပြောဆိုရင်း သွက်လက်နေလိုက်သည်မှာ ကနေသည့်ပုံနှင့်ပင်တူနေပါတော့သည်။ နိမ်က မီရာ့ကို ကြည့်ရင်း အဟားလို့ရယ်လိုက်မိသည်။ မီရာကတော့ -
"အာ . . . ဘာကြည့်တာလဲကွာ . . .မကြည့်နဲ့ ရှက်တယ် . ."
ဟုသာပြောရင်း နှစ်ယောက်လုံး တစ်ပြိုင်နက် ရယ်မောလိုက်ကြရာ ခိုးခိုးခစ်ခစ် ရယ်သံအချို့ ကောင်းကင်ယံသို့ ပျံ့လွင့်သွားသလို ဘာကိုမြင်လို့မြင်သွားမှန်းမသိသော ပတ်ဝန်းကျင်ကြီးတစ်ခုလုံးလည်း ရှက်သွေးဖြာသွားပါတော့သည် . . .။
ကြည့်လိုက်ပါဦးလေ . . .ကောင်းကင်ကြီးတစ်ခုလုံးရှက်သွေးဖြာနေတာ တိမ်နီရောင်တွေကိုသန်းလို့ . . . . .။
× × × × × × × × ×
"ဒင် . . .ဒေါင် . . . .ဒင် . . .ဒေါင် . . ."
မဟာရာဇ်မျှော်စင်မှ နောက်တစ်နေ့ကူးအချက်ပြသံက အားလုံးတိတ်ဆိတ်နေသောအချိန်မှ ကျယ်လောင်စွာထွက်ပေါ်လာရင်း မဟာရာဇ်ရွာလေးတစ်ခုလုံးမှာ ပဲ့တင်သံများထပ်သွားသည်။
စေတန်ကတော့ ခုတင်ပေါ်မှာလဲလျောင်းနေရာမှ မျက်လုံးကို ဖျတ်ခနဲဖွင့်လိုက်ပြီး ထထိုင်လိုက်ကာ သော်ကပန်းအချို့ကို ယူဆောင်ကာ လက်ထဲထည့်ကာ ချေမွလိုက်ရင်း . . .
"မီရာဆိုတဲ့ နိမိတ်နဲ့ကောင်မလေး . . . နင် မဟာရာဇ်ကို ဖျက်ဖို့အချိန်ကျနေပြီ . . .။ နောက်ဆုံးတော့ ငါမျှော်လင့်ထားတဲ့ နေ့ရက်ကြီးတစ်ခုကို ရောက်လာပြီပေါ့ . . ."
ဟု တီးတိုးရွတ်ဆိုထလိုက်ရင်း -
"အိုင်းစတိုင်းရေ . . . . . အိုင်းစတိုင်း . ."
ဟုသာ ကျယ်လောင်စွာ အော်ဟစ်ကာ ခေါ်လိုက်မိပါတော့သည် . . . .။
မီရာ့ ၁၆ နှစ်ပြည့်ကတော့ နောက်ဆုံးမှာ ရောက်လာခဲ့ပါပြီ။ ဒါပေမယ့် မီရာ့နိမိတ်၊ မဟာရာဇ်ရဲ့အနာဂတ် ဒါတွေအပြင်ကို ဂေါတမဗုဒ္ဓရဲ့ တရားတော်တွေကို တိုက်ဖျက်ချိန်တန်ပြီဆိုတဲ့ အိုင်းစတိုင်း . . . ဒါတွေအားလုံး ဘာတွေဘယ်လိုဆက်ဖြစ်မယ်ဆိုတာကတော့ . . . . .။
အပိုင်း(၁၅)ကိုစောင့်မျှော်ဖတ်ရှုကြပါရန် . . .။
Own Feeling @ 2016 by
ကာရှိုင်း (ကြယ်စင်ချစ်သူ)
အပိုင်း ၁၄ တောင်ရောက်သွားပီလား?
ကောင်းတယ်ဗျာ။