Bitcoin已死？幣市爆煲？定係入市良機？

虛擬貨幣市場沉寂左十個多月，香港而家都無乜其他人講虛擬貨幣，咁到底Bitcoin係咪已經徹底玩完？定係而家其實係入市良機？就等筆者為大家分析一下。

首先，係十二月Bitcoin創新高既時候好多人先入市，逼爆好多交易所同坊間既找換店(MyEthShop)，甚至連Bittrex, Binance既account都有人炒，結果唔洗講梗係集體炒車，成為大戶口中既「韭菜」被人收割。反而而家已經無人會再講幣，所以正正係上網惡補做功課，認識虛擬貨幣既機會，咁下次機會黎先可以把握得住，因為只有你自己掌握左既知識同經驗先係真正你自己既，唔係既話就算你係個market上面賺左錢都一樣可以嘔返出去。

幣市既熊市已經行左十個月有多，正所謂「幣市一日，股市一年」，幣市既節奏比起傳統市場快得多，所以十個月既熊市其實已經係非常之長既時間，牛市極有可能會係無耐之後出現，呢個位置其實係做中長線部署既黃金機會，就可以2003既科網股泡沬同2008年既金融海嘯，玩Crypto當然唔係叫你瞓身玩，我唔會好似坊間果啲人咁叫你all in 瞓身碌爆張卡問財仔借錢買礦機（同埋而家係香港挖礦根本唔會有錢賺），睇自己既風險承受能力，拎少少出黎玩，認識下個市場同上面既機會就可以。

你話虛擬貨幣既市場未成熟，風險高，啱，呢個世界好公平，機遇往往都係伴隨住風險，就係睇中佢個市場仲未成熟，所以先會充滿住機會，而家我諗玩Bitcoin既人(特別係香港)我諗連1%都未必有，但係Bitcoin同其他加密貨幣係充滿令人著魔的魅力，呢個市場發生過既傳奇我諗無乜機會可以係其他市場發生，例如當時身家只有10萬既大空翼show hand果陣仲未有人識既IOTA既ICO，結果10萬變32億，而類似既故事係牛市既時候周街都係。

咁到底點判斷係牛市重啟定係仲有得跌，$5700呢個上次既低位就係關鍵。大家可以睇到係大約$6000呢個位置一直好硬淨，如果而家買既話可以用呢點做止蝕，下面只有幾百蚊既空間，以小博大，呢個位唔破上面先唔講創新高，起碼都有$2000-3000既空間，而我認為暫時$5700呢個位破既機會唔大。

如果大家有留意Bitcoin同其他虛擬貨幣既走勢，相信會發覺Bitcoin相對於整個幣市就好似係一個先行指標，就好似黃金同白銀既關係一樣。Bitcoin係舊年十二月見頂，而其他altcoins就再瘋狂咁升左一浸先係一月先見頂。

跌都一樣，Bitcoin係六月跌至$5700左右既全年低位，但九月成個幣市直插谷底都無再revisit呢個低位，相信係一個好現象。