Pinagtagpo pero Hindi Itinadhana..
Nasasaktan ka dahil umibig ka,
Umiiyak ka dahil nagmahal ka ng sobra.
Umasa ka dahil nangako s'ya,
Pero nabigo ka dahil nagtiwala ka.
Feeling mo forever mo na s'ya,
Akala mo kayo na ang itinadhana.
Pero pansamantalang pag ibig lang pala,
Dahil natukso s'ya't umibig sa iba.
Natakot kang mag-isa kahit matapang ka,
Naging mahina ka kahit alam mong malakas ka.
Naging marupok ka kahit sobrang tatag mo na.
Gumuho ang mundo mo dahil iniwan ka nya.
Luhaan ka ngayon at nag-iisa,
Minsan naman umaaasang babalik pa s'ya.
At nag-aalala kung makaka move on ka pa ba,
Pero sabi nga nila tuloy ang buhay kahit bigo ka na.
Lumipas ang mga araw, buwan at taon,
Durog na puso mo noon, ngayon ay naghilom.
Masakit mong nakaraan, sa limot ibinaon,
At naging aral sayo ang sugat ng kahapon.
Ngunit bakit kayo'y muling pinagtagpo,
Tadhana nga naman sadyang mapaglaro.
Tahimik na puso mo'y bigla nanamang nalito.
Pero ngayon iyong napagtatanto..
Na di kayo itinadhana kahit kayo'y pinagtatagpo..
