ဘုတ်ဆုံမရဲ့ မုန်ဟင်ခါးဆိုင် (ကြည်မွေ့အိမ်)

ဒေါ်ကြီးဘုတ်ဆုံ ကတော့ မကြာတော့ဘူး၊ ကောင်းကောင်း အတုတ်ခံရတော့မယ်။ သူ့ကွယ်ရာမှာ သူ့ကို လက်ထိုးလို့မှ ကိုက်ရကောင်းမှန်း မသိတဲ့ ဦးမောင်တာကြီး ကတောင် ပြောနေပြီလေ။ ဘုတ်ဆုံမတို့ ကတော့ လုပ်ချလိုက် ပြန်ပြီ၊ သိပ်ပရမ်းပတာ လုပ်လွန်းတယ် … ဆိုပြီးတော့ပေါ့။

တကတဲ … အကြွေးရောင်းပေး ရတာပဲ ဆိုပြီး စေတနာ ပါပါကို မလုပ်တော့ဘူး။

ဒီ စက်မှုလယ်ယာ ရုံးဝင်းထဲမှာလည်း လက်ဖက်ရည်၊ မုန့်ဟင်းခါး၊ အသုပ်၊ ဆေးလိပ်၊ ချိုချဉ် စသည်ဖြင့် အမျိုးအမည် စုံလင်ပြီး အကြွေးရောင်းတာ ဆိုလို့ သူ့တစ်ဆိုင်တည်းလည်း ရှိတာကိုး။ ဒေါ်ကြီး ဘုတ်ဆုံမရဲ့ ယောက်ျားက စက်မှုလယ်ယာရုံးမှာ စာရေးကြီး အဆင့်လောက် ရာထူးရှိတယ် ဆိုတော့ အစိုးရ အိမ်ခန်းကလေး တစ်ခန်း ရထားသမို့ ဟန်ကျပန်ကျ မပူမပင် နေနိုင်တာပေါ့။ ဝင်းထဲမှာလည်း ရေ မီး အစုံရှိတာ ဆိုတော့ ရေခ၊ မီးခလည်း ဟုတ်ဟုတ်လောက်လောက် ပွန်းပဲ့ သိသာသွားအောင် ပေးနေ ရတာမျိုးလည်း မရှိဘူး ဆိုတော့ ရေ အကြိုက်သုံး၊ မီး အကြိုက်သုံးနဲ့ တော်တော်လေးကို ဟန်ကျပန်ကျ အလုပ်ဖြစ်တော့ပလေ။

သူ့ဆိုင်မှာက အချက်အပြုတ် အရသာက ဒီလောက်ကြီး ကောင်းလှတာ မဟုတ်ပေမဲ့ အကြွေး စားရတာရယ်၊ လက်ဖွာပြီး ပေါပေါများများ တန်အောင် စားရတာရယ်ဆိုတော့ စားတဲ့သူတွေ ကလည်း တယ်ပြီး ကြေးမထူကြလှဘူး။ ကြေးထူ နေလို့လည်းမှ မရတာလေ။

ပြီးတော့ ဒီစက်ရုံဝင်းထဲမှာက ဧည့်သည် စောင်သည် လာလို့မှ ပြေးပြေးလွှားလွှား အချိန်မရွေး လာဆွဲယူရတဲ့ ဆိုင် ဆိုလို့လည်း ဒေါ်ကြီး ဘုတ်ဆုံမဆိုင် တစ်ဆိုင်တည်း ရှိတာကိုး။ သူ့ဟာက လပေးလောက်နီးနီး ဖြစ်နေတာ ဆိုတော့လည်း စက်ရုံဝန်ထမ်း ခမျာမယ် နောင်ခါလာ နောင်ခါဈေး ကြည့်ရှင်းစတမ်း ဆိုပြီး မိုးမလင်းလိုက်နဲ့၊ သူ့ဆိုင်မှာ ကလေး လူကြီး ကြိတ်ကြိတ်တိုး နေတော့တာပါပဲ။

“ဘုတ်ဆုံမရေ … ကနေ့တော့ နှစ်ပွဲ စားမှာနော်၊ အကြော်ပါ ထည့်ဟေ့”
“မရဘူး၊ အကြော်နဲ့ နှစ်ပွဲ များတယ်။ နောက်ပြီး ဦးဖိုးလူ သားသမီးတွေ လာစားကြဦးမှာ။ တစ်ယောက် တစ်ပွဲပဲ ရမယ်။ ကြွေးတွေက သိပ်များနေပြီ။ လကုန်ရင် ဘယ်လို ရှင်းပေးမလဲ ဆိုတာ စဉ်းစားထား”
“ညည်းကလည်းဟာ၊ စားခါနီး သောက်ခါနီး သိပ်ပြီး စားရသောက်ရ ခက်အောင် လုပ်တာပဲ။ လကုန်တော့လည်း ဒီလိုပဲ ဖြစ်သွားတာပဲ ဟာကို။ နှစ်ပွဲ မရရင်လည်း တစ်ပွဲပေါ့ဟာ။ အကြော်လေးတော့ ပါပစေဟေ့၊ ငါတို့က နေ့ခင်း ထမင်းစားချိန်က တစ်နာရီခွဲလောက်မှ ဝင်ရမှာ။ ဒီမုန့်ဟင်းခါး အကြော်လေး တစ်ပွဲတည်းနဲ့ နေရမှာ”
“ပြီးရော ပြီးရော … တော်ပြီ၊ ဦးဖိုးလူရဲ့ မနက်စာဒုက္ခ ဒီမှာတင် ရပ်။ ဟေ့ … မုန့်ဟင်းခါး ဘူးသီးကြော်နဲ့ တစ်ပွဲ၊ အရည်များများ ဆမ်းပေးလိုက်”
“ဒေါ်ကြီးဘုတ်ဆုံ … ထမင်းကြမ်းခဲလေးပါ နည်းနည်း ထည့်ပေးလိုက်တဲ့ အမေက …”
“အောင်မယ် … ထမင်းကြမ်းခဲက အဆစ်ပါသေး။ မထည့်ပေးနိုင်ဘူးဟေ့၊ ဆန်တစ်ပြည်ကို တစ်ထောင် ကျော်နေပြီ။ မရဘူး”
“မမဆုံ အသုပ်ကလည်း ဆီချက် နည်းလှချည်လားဗျာ။ လပေး စားကြတာပဲ ဆိုပြီးတော့ စေတနာမပါ မလုပ်နဲ့ဗျာ။ ဆီလေး ပြားလေး ထည့်ဦးမှပေါ့”
“ဟဲ့ … ငပျင်းမောင်တင့်ရဲ့၊ နင့်ပထွေး မြေပဲဆီက လေးထောင့်နှစ်ရာ။ စားအုန်းဆီက နှစ်ထောင့်လေးရာ။ ဒါတောင် ခွက်ချိန်ပြည့် ရတာ မဟုတ်ဘူး။ တစ်လလုံးလုံး အကြွေးရောင်း နေတာကိုပဲ ကျေးဇူးတင်ဦး”
“ခင်ဗျားကလည်း အကြွေးပေးရတာသာ ပြောနေ မမဆုံရာ၊ မုန့်ဟင်းခါးက အပြင်မှာဆို အကြော်နဲ့မှ တစ်ပွဲ နှစ်ရာရယ်၊ ဟင်းရည်က ကြိုက်သလောက် တောင်းစမ်း”
“သွားစားပါလားဟဲ့ အပြင်မှာ … ငါလည်း နှစ်ရာနဲ့ ရောင်းပေး ထားတာပဲ”
“ဖွတ် … ငါးမပါ ဘာမပါနဲ့”
“ဟင် … ကြီးကြီးကျယ်ကျယ်၊ သွား … ဒီလကုန်ပြီးရင် နင် ငါ့ဆိုင်မှာ လာမစားနဲ့၊ နင့်ဘာသာ ငါး ၁၀ ပိဿာလောက်နဲ့ ချက်တဲ့ အပြင်ဆိုင်မှာပဲ သွားပြီး မျိုဆို့သွတ်ပေါ့၊ ကြားလား”
“အန်တီဆုံ၊ အမေကလေ ခေါက်ဆွဲသုတ် သက်သက်လွတ် နှစ်ပွဲ သုပ်ပေးလိုက်ပါတဲ့”
“အောင်မယ်လေး … ကိုယ်ကျိုးနည်းတော်၊ ကျုပ်ဆိုင်မှာ တစ်သက်လုံး သက်သက်လွတ် မရဘူးမှတ်”
“အန်တီဆုံ ကလည်း ငံပြာရည် မထည့်ရင် ပြီးတာကို”
“ဆေးလိပ် ပေးဦးဟေ့”
“ဟ … လက်ဖက်ရည်ကို မောင်ထွန်းကို ဖျော်ခိုင်းပါဟ ဘုတ်ဆုံရ။ ညည်းကိုယ်တိုင် ဝင်မဖျော်စမ်းပါနဲ့။ ချက်နို့ဆီ ပျစ်ချွဲကြီးနဲ့ သောက်လို့ မရဘူးဟာ။ အချိုခြောက်ကို နာနာနှပ်ချည်လို့ဆို၊ ဖွီ … ရေနွေးကို နို့ဆီ သကြားနဲ့ သူငယ်နာမစင်တဲ့ ဖျော်နည်းနဲ့ ဖျော်ထားတာကွ … ဟေ”
“ဘကြီးမောင်ပါ တစ်ယောက်ဟာလေ လက်ဖက်ရည် သောက်ပြီဆို အမြဲတမ်း ပါးစပ်က ပွစိပွစိနဲ့။ ပြီးတော့ တစ်နေ့ သုံးခွက် သောက်တာ သူ့အပြင် တခြားလူ မပါဘူး”
“မနေနိုင်လို့ဟေ့၊ မသောက်ရ မနေနိုင်လို့ဟေ့”
“ငှက်ပျောပင်ကလည်း ရင့်ထော် နေတာပဲ။ အခွံလေး ဘာလေး ပြောင်နေအောင် သင်ပါဦး ဘုတ်ဆုံရဲ့။ ဟင်းရည်က ကောင်းချင်ပါရဲ့နဲ့ ဒီငှက်ပျောဖတ် အရင့်ကြီးတွေက ဖျက်နေတာ”
“မတတ်နိုင်ဘူး ကြီးကြီး မအေးငွေရေ … ကြိုက်ရင်လည်း စားသွား၊ မကြိုက်ရင်လည်း မစားနဲ့။ ကျွန်မလည်း တစ်ယောက်တည်း ထောင့်စေ့အောင် လုပ်နေရတာ မတတ်နိုင်တော့ဘူး”
“ညည်း ဟိုဟာမလေး ခိုင်းပေါ့အေ့”

ဟော … ပြောကြရင်း ဆိုကြရင်း ဝက်ထော်ဘက်ကို လှည့်လာကြပြီ တွေ့လား။ ညည်းတူမလေး ခိုင်းပေါ့အေလို့ မပြောဘဲ ဝက်ထော်ကိုများ ဟိုဟာမလေးတဲ့။ အဲဒါကြောင့် အဲဒီ အဘွားကြီးကို ဝက်ထော် အကြော မတည့်တာ။ စကားပြောရင် သိပ်စီးပိုးတာပဲ။ ဝက်ထော်ကပဲ ဘာမှ မလုပ်ပေး မကိုင်ပေးတဲ့ ရေသာခို အချောင်လိုက်နေတဲ့ ပုံစံလိုလို ပြောနေလိုက်တာ။ ဒါ … ဒေါ်ကြီး ဘုတ်ဆုံမကို ဝက်ထော်နဲ့ တိုက်ပေးတာပဲ။

“သူ ရှိနေလို့သာ တော်သေးတာပေါ့ ကြီးကြီး မအေးငွေရဲ့၊ နို့မဟုတ်ရင် ဒီဆိုင်ကို ပိတ်ပစ်ရကရောပေါ့။ အိမ်က မျောက်ထီး သုံးကောင်က ဘာခိုင်းလို့ ရမှာတုံး”
“အကြီးကောင်က ၁၀- တန်းမို့လားအေ့”
“ဖြေထားပြီလေ။ သင်းအတွက် ကုန်လိုက်ရတဲ့ ကျူရှင်စရိတ်၊ ကျောင်းစရိတ်၊ လမ်းစရိတ်၊ အို စုံလိုက်တဲ့ စရိတ်။ အောင်မယ်၊ မအောင်မယ်တော့ မသိဘူး”
“ညည်းသားကို လျှော့မတွက်နဲ့ ဘုတ်ဆုံ။ ဒီကောင့်ရုပ်က တော်ရုံ မဟုတ်ဘူး၊ သိပ်ဥပဓိရုပ် ကောင်းတာ။ သင်းက ကောင်းစားမယ့် ကောင်အေ့”
“ကောင်းစားမယ် မကောင်းစားဘူးတော့ မဆိုတတ်ဘူး။ အခု လောလောဆယ် ကျွန်မမှာ မြင်တဲ့အတိုင်း ချွေးတလုံးလုံး၊ ပြာတလူးလူးနဲ့ လုပ်ကိုင် နေရတာပဲ”
“ဟင်းရည်လေး ပိုထည့်ပါဦးဟဲ့၊ ထမင်းလေးနဲ့ နယ်စားရမှာ”
“တစ်အိုးလုံး အကုန်သွန်ထည့် ရမယ့်ပုံ”
“ဟဲ့ … ဂန်းမလေး လူကြီးကို၊ ဒါကြောင့် သင်း ငါ ကြည့်မရတာ”
“ဝက်ထော်၊ လူကြီးကိုနော် … ညည်း ကြည့်လုပ်”
“ဟယ် … အေးမင်းသန်း၊ နင့်ဟယ် နောက်ကျလှချည်လား၊ ကိုးနာရီတောင် ထိုးတော့မယ်”
“အိပ်ရာထ နောက်ကျလို့ မကြီး ဘုတ်ဆုံရေ”

ကြည့် … ဒေါ်ကြီး ဘုတ်ဆုံမကတော့ ကိုကြီး အေးမင်းသန်းများဆို သိပ်အရေးပေးတယ်။ ခိုင်ဦးတို့၊ ယုဝတို့နဲ့တောင် မတူဘူး။ ကိုကြီး အေးမင်းသန်းက စကားလည်း ယဉ်ယဉ်ကျေးကျေး ပီယဝါစာ ပြောတတ်တယ်။ ပိုက်ဆံနဲ့ စားတာ။ အကြွေးမစားဘူး မဟုတ်လား။ ပြီးတော့ ဒေါ်ကြီးဘုတ်ဆုံ ငွေလိုရင် ကိုကြီး အေးမင်းသန်းဆီက အမြဲ ချေးနေကျ။ အတိုးတော့ မယူပါဘူး။

ဒါပေမဲ့ ဆိုင်မှာ သူ လာစားရင် ရှယ်တော့ ကျွေးရတာပေါ့လေ။ တစ်ခါတလေ ဆေးလိပ်တောင် အလကား တိုက်တတ်သေးတာ။ ချေးရ ငှားရ လွယ်အောင်ဆိုပြီး အစားနဲ့ မက်လုံးပေးထားတာ။

နောက်ပြီး ဝက်ထော်လည်း ရှိနေတယ် မဟုတ်လား။

ကိုကြီး အေးမင်းသန်းက လူပျိုကြီး ဆိုတယ်။ သူ့ဘာသာ လူပျိုလိုင်းခန်းမှာ တစ်ယောက်တည်း နေတာ။ စာအပြလည်း သိပ်ကောင်းတယ် ဆိုပဲ။ သူ့အလုပ်ပြီးရင် ညဘက် ဝိုင်းသဘောမျိုး သူ့အခန်းမှာ ပြပေးသတဲ့။ အပိုဝင်ငွေလေး ဘာလေး ရအောင်ပေါ့။ ပြီးတော့ တိုးတိုးသဲ့သဲ့ ကြားထားသေးတာက ဝင်းထဲက မပြေလည်တဲ့ သူတွေကို ကိုကြီး အေးမင်းသန်းက ငွေတိုး ချေးထားသေးတယ် ပြောတာပဲ။ ဝက်ထော်ကတော့ မသိပါဘူး။ ဒေါ်ကြီး ဘုတ်ဆုံမက ပြောပြတာ။ ဝက်ထော်ထက်တော့ ဆယ့်သုံး လေးနှစ်လောက် ပိုကြီးမယ် ထင်တယ်။ ဝက်ထော်ကတော့ ကိုကြီး အေးမင်းသန်း အပေါ် ဘယ်လိုမှ မနေပါဘူး။ ကိုယ့်ဦးလေးလို၊ ကိုယ့်အစ်ကိုကြီးလိုပဲ သဘောထားတာပါ။ သူက ဆိုင်လာရင် ဝက်ထော်ကို ဘယ်တော့မှ ‘ဝက်ထော်’ လို့ ခေါ်လေ့ မရှိဘူး။ ‘ချိုချို’ တဲ့။ ဝက်ထော် နာမည်က ချိုချိုဝင်း မဟုတ်လား။

ဝက်ထော်ကတော့ ခိုင်ဦးကို နည်းနည်း သဘောကျတယ်။ ခိုင်ဦးက ရှိရင် ရှိသလို လက်ဖွာတတ်တယ်။ အပေါင်းအသင်းတွေနဲ့လည်း တည့်တယ်။ သူ့အပေါင်းအသင်းတွေ ကလည်း သူ့ကို ခင်တယ်။ သူတို့ စက်ရုံအောက်ခြေ ဝန်ထမ်းတွေထဲမှာ ခိုင်ဦးက အတော်ဆုံးပဲ။ သူ့ကို အလုပ်သေချာလို့ အရာရှိတွေကတောင် စိတ်ချကြတယ်။ ပြီးတော့ ခိုင်ဦးက မဟုတ်ရင် မခံတတ်ဘူး။

ဘာကြာသေးလို့လဲ၊ ပြောင်းသွားတဲ့ ဒုစက်ရုံမှူးနဲ့ လက်သီး ထိုးကြတာ။ ကံကောင်းလို့ အလုပ်မပြုတ်တယ်။ ပြင်းပြင်းထန်ထန် သတိပေးစာ ထုတ်ခံရတယ် ပြောတာပဲ။ ဒုစက်ရုံမှူး ကလည်း ဒီစက်ရုံကနေ ပြောင်းရတာပဲ။ ခိုင်ဦးက အဲသလို သတ္တိရှိတာ။ သူ ပြောတော့ အဲဒီ ဒုစက်ရုံမှူးကြီးက အခြောက်ကြီးတဲ့။ ထဘီ ဝတ်ထားတာကမှ တော်သေးတယ် ဆိုပြီး ဒေါပွ နေလေရဲ့။ အဖြစ်မှန်က ဘာလဲလို့ သေချာ မသိပေမဲ့ ဒေါ်ကြီး ဘုတ်ဆုံမ ယောက်ျား ဦးမောင်ဝင်း ပြောပြတာကတော့ (သူ့မိန်းမကို ပြောပြတာကို ဝက်ထော် ကြားရတာပါ) ခိုင်ဦးရဲ့အစ်မ အပျိုကြီးကို ရိသဲ့သဲ့ လုပ်လို့ ဆိုလား။ ရေနွေးတည်ခိုင်း၊ ထမင်းစားပွဲ ပြင်ခိုင်းတယ် ဆိုလား။ ဒုစက်ရုံမှူးက အိမ်ထောင် ရှိတယ်လေ။ အဲဒါနဲ့ ဖြစ်ကြတာပဲတဲ့။

ပြီးတော့ ခိုင်ဦးက ဖင်ပေါ့တယ်။ ဆိုင်လာရင် ဝက်ထော် တစ်ယောက်တည်း မနိုင်ဘူး မြင်ရင် အကုန် ဝိုင်းကူ လုပ်ပေးတာပဲ။ ရေကုန် နေရင်လည်း ဆွဲဖြည့်ပေး၊ တစ်ခါတစ်ခါ ပန်းကန်တွေ ဘာတွေတောင် ဝိုင်းဆေးပေးတတ် သေးတယ်။ ဒေါ်ကြီး ဘုတ်ဆုံမ ကတော့ ခိုင်ဦးကို သိပ် သဘောမကျဘူး။ ဘုဘောက်ကျလို့တဲ့။ စိတ်ဆတ်တာ မကောင်းဘူးတဲ့။

ကိုကြီး အေးမင်းသန်းကတော့ ဝက်ထော်ကို “ချိုချိုက တစ်နေ့တခြား လှလှလာတယ်” လို့ပဲ စောင်းချိတ် ပြောပေမဲ့ ခိုင်ဦးကတော့ မရဘူး ဆရာ၊ ဗြောင်ပဲ။ ‘ဝက်ထော်၊ နင့်ကို ငါ ကြိုက်တယ်’ တဲ့၊ ‘ငါ အဆင်ပြေရင် နင့်ကို တောင်းယူမယ်’ တ့၊ဲအဲသလို ပြောတာ … ကောင်းရော။

ယုဝလား … ယုဝက ခြေကြော လက်ကြော တင်းတဲ့ကောင် မဟုတ်ဘူး။ သူ့ယူရင် ဝက်ထော်က လုပ်ကျွေးရမှာ။ သူ့လုပ်စာတော့ စားရမှာ မဟုတ်ဘူး။ အချိန်ရသမျှ သူ့ရုပ်ကိုပဲ လှအောင် ပြင်နေတာ။ ဆိုင်လာရင်လည်း တစ်ချိန်လုံး မှန်ပဲ ကြည့်ပြီး ခေါင်းက ဆံပင်မွေးတွေကိုပဲ ခဏ ခဏ သပ်နေတာ။ တစ်ခါကလည်း ဝက်ထော်ကို စောင်းချိတ်နေရင်း မှန်ကို ခဏ ခဏ ခိုးကြည့်ကြည့်နေလို့ အမြင်ကတ်တာနဲ့ သူ့ရှေ့ကနေ ဇောက်ခနဲ ထထွက် လာလိုက်တယ်။

မှတ်စမ်း။ ဒီလိုလူမျိုးက ဇာတ်မင်းသား လုပ်စားဖို့ပဲ ကောင်းတယ်။ ရုပ်ကလေးက သနားကမားလေးပါ။ ထားပါ။ ဝက်ထော်က ရုပ်မက်လို့ရတဲ့ ဘဝမျိုး မဟုတ်ဘူး ဆိုတာ ကိုယ့်ကိုယ်ကိုယ် သိတယ်။ ညစာ မခက်ချင်ရင် လှတာကို မမက်ရဘူး မဟုတ်လား။

“ဟဲ့ … ဝက်ထော် ဘာစိတ်ကူးယဉ် နေပြန်တုံး၊ ညည်းတော့လေ …”
“ဘာလဲ ဒေါ်ကြီး ဘုတ်ဆုံရဲ့၊ ကြားပါတယ်။ ပြောစရာရှိ ပြောပါလား။ တစ်ခေါ်တည်း ခေါ်နေတာ။ ခေါ်တိုင်း ထူးနေရရင်လည်း အာခေါင်ကွဲပြီး သေရရုံပဲ ရှိမယ် ကဲ”
“ခစ် ခစ် … ကောင်မလေး ဟိုမှာ ချဉ်စုတ်စုတ် အကောင် လာပြီ၊ သွား ကောင်တာမှာ သွားထိုင် …”
“ဘာလို့လဲ”
“ငါ ကြည့်မရဘူး၊ မျက်နှာထားကိုက မာရေကျောရေနဲ့။ သွားအေ … မဟုတ်ရင်လည်း အခန်းကို ပြန်၊ ညည်းတူတွေကို ပြန်သွားခေါ်ချေ”
“ဟာ … သူတို့ ခြေထောက်နဲ့ သူတို့ဘာသာ လျှောက်လာနေကျဟာ။ တကူးတက လုပ်ပြီး သွားခေါ် နေရမှာလား။ ဒီမှာ အလုပ်တွေပစ်ပြီး … လူလည်း ကျနေတာကို”
“ငါ သင်းကို ကြည့်မရပါဘူး ဆိုမှ။ ကြည့်နေ၊ ဆိုင်ကို မလာစေရဘူး”
“ဒေါ်ကြီးဘုတ်ဆုံ ကလည်းလေ … သူက ဒေါ်ကြီးကို ဘာလုပ်လို့လဲ။ သူ့ဘာသာ သူ့ပိုက်ဆံနဲ့ မုန့်လာစားတာပဲ။ အကြွေးစားတာလည်း မဟုတ်ဘဲနဲ့။ ကိုကြီး အေးမင်းသန်းကျ မျက်နှာသာပေးပြီး”
“ဟင်း ညည်း ဘာသိလို့လဲ၊ အဲဒီအကောင်က ငါ့စီးပွားရေးကို ဖျက်မယ့်ကောင်အေ့”
“ဘာဆိုင်လို့လဲ”
“ဆိုင်တာပေါ့။ ညည်းအမေတို့ဆီ ပြန်သွားတဲ့ နေ့ကလေ၊ သင်း ဒုစက်ရုံမှူးနဲ့ လုံးထွေး သတ်ပုတ်ပြီး ငါ့ဆိုင် ရောက်လာတာ။ ငါက နားချတာပါအေ၊ ကိုယ့်အထက်လူကြီးနဲ့ ခံဖြစ်ရင် ကိုယ်ပဲ ခံရမှာပေါ့။ ဒါကို သင်းက င့ါကို သူခိုးဓားရိုးကမ်း မလုပ်ပါနဲ့ ဒေါ်ကြီးဘုတ်ဆုံရာတဲ့။ အဲဒီလို လူစားမျိုးကို ဒီလို ခံသတ်တာတောင် နည်းသေးတယ် ဆိုပြီး အာကျယ် နေရော့ဟေ့။ ဒါနဲ့ ငါလည်း အာကျယ်ချင်ရင် နင့်အိမ်ကို ပြန်၊ ငါ့ဆိုင်မှာ လာပြီး လေကျယ် မနေနဲ့။ ဒုစက်ရုံမှူး ကြားသွားရင် မကောင်းဘူး။ ငါတို့မလည်း အလိုတူ အလိုပါ ဖြစ်တယ်ဆိုပြီး ပြောမိလို့ဟေ့။ မဆီမဆိုင် ဟိုတစ်နေ့ဆီက ငါ့မုန့်ဟင်းခါးအိုးထဲ ဖားပြုပ် ပြုတ်ကျတဲ့ ကိစ္စကို ဆိုင်ထဲမှာ အော်ကြီးဟစ်ကျယ် ပြောတာလေ”
“ဟယ် … ဘယ်လိုကြီး ဖြစ်ကြတာတုံး ခစ် ခစ် …”
“တယ် … ပိတ်ကန်လိုက်ရ၊ ညည်း မျက်နှာပိုးကို သတ်စမ်း။ ငါတို့ မဆယ်ရဲလို့ သူပဲ ဆယ်တုန်းက မျက်နှာလို မျက်နှာရ ဆယ်ပေးထားပြီး။ ငါ့ကို လူကြားထဲ အရှက်ခွဲရုံ မဟုတ်ဘူး၊ ငါ့ဆိုင်ကို လူတွေ လာမစားအောင် လုပ်တာ။ ဖားပြုပ်ကြီးက အိုးထဲကို ဘယ်ကတည်းက ရောက်နေမှန်း မသိတဲ့ အကြောင်း၊ သူပဲ မီးညှပ်ကြီးနဲ့ ဆယ်ပြီး ပစ်လိုက်ရတဲ့ အကြောင်း၊ ဖားပြုပ်ကြီးက မီးအပူကြောင့် အရှင်လတ်လတ် ကားပြီး သေရတာမို့ ဘယ်လို ကားယားနေတဲ့ အကြောင်း ဟယ်၊ ဖွီ … စားနေတဲ့ သူတွေက အကုန် အော့အန်တာပေါ့။ ပြီးတော့ အဲဒီမုန့်ဟင်းခါးအိုးကို ဆက်ရောင်းသင့် မရောင်းသင့် ငါက စဉ်းစားနေလို့ သင်းကပဲ သွန်ပစ်လိုက်ဖို့ အကြံပေးခဲ့တယ် ဆိုတဲ့အကြောင်း၊ သင်း သိမယ်၊ ငါက အစကတည်းက မရောင်းပါဘူးလို့ ငါ့ဘာသာ ကတိခံထားပြီးသား ဟာကို။ ညည်းလည်း သိပါတယ် ဝက်ထော်ရဲ့၊ ဟိုတစ်လောလေးက ငှက်ပျောပင်တွေလေ။ ရခိုင်ပင်ကြီး မှားခုတ်မိလို့ ဟင်းတစ်အိုးလုံး ခါးတူးပြီး စားမရ ဖြစ်လို့တောင်မှ ငါ ဘယ်မှာ ရောင်းလို့လဲ။ တန်းလျားထဲ အကုန် လိုက်ဝေပစ်တာပဲ။ မအေပေး … အခုတော့ ငါ့မှာ မနက်တိုင်း အဲဒီ ဖားပြုပ်ကြီး ကိစ္စပဲ ဖြေရှင်း နေရတယ်ဟေ့”
“ဟစ် … ဟစ် … ဟား ဟား …”
“ကောင်မ၊ ညည်းက အဒေါ်ကို ဒါ ပြောင်တာပေါ့လေ။ ညည်းက ဘာလဲ လင့်ဘက်က ပါသလား”
“အို … ဒေါ်ကြီးဘုတ်ဆုံ ကလည်း ဝက်က အပျိုပါ။ ဘယ်လင်မှ မရှိဘဲ၊ ဘယ့်နှယ် လင့်ဘက်က နာရမှာတုံး”
“အေး … အဲဒါပဲ၊ ညည်း ငါ့အစား နာစမ်းအေ၊ အဲဒီအကောင်ကို အရောမဝင်နဲ့။ ပညာပြလိုက်၊ ကြားလား”
“အင်းပါ”

ဒေါ်ကြီးဘုတ်ဆုံကတော့ ခိုင်ဦးကို အတော်နာသွားပြီ။ ဘယ်လိုလုပ်မတုံး။ ကိုယ်က သူနဲ့ ကပ်နေရတာ။ ဒီအဒေါ်က မကြည်ရင် လစ်ရမှာ။ လစ်လို့ မဖြစ်သေး၊ ကိုယ့်မှာက မအေကို လုပ်ကျွေးနေရတာ။ ထမင်းကျွေး အဝတ်ဆင်ရုံ အပြင် လခပါ ပေးထားတော့ ဒီအဒေါ်ကို အာခံလို့ မဖြစ်သေးဘူး။ ဟုတ်တယ်၊ မရခင်ကတည်းက ဒီအကောင် ဒီလောက် မောက်ကြွနေရင် ငါ့ကို ရပြီးတော့ကော သင်းက အရေးလုပ်မှာလား။ ငါ့အဆွေ၊ ငါ့အမျိုးကို လူပုံအလယ်မှာ မလေးမစား ထီမထင်လုပ်တာ ငါလည်း မကြိုက်ဘူး။ ဘာလဲ လူကြီးသူမ ကောင်းစေချင်လို့ ပြောတဲ့ဟာကို။

ဟုတ်တယ်။ ငါ့အဒေါ်ကို လူညစ်ပတ်ကြီး ဖြစ်အောင်၊ သူများတကာ ထင်အောင် ဒီအကောင် ပြောတာ။ ငါ့မျက်နှာတောင် မထောက်ဘူး။ တကယ်ဆို ဒေါ်ကြီးဘုတ်ဆုံ ဆိုတာ ဝက်ထော်ရဲ့ ကျေးဇူးရှင်လေ။

ဒေါ်ကြီး ဘုတ်ဆုံက ကောင်တာမှာ ထိုင်ပြီး ဟိုတစ်ဖက်ကို ဆတ်ခနဲ လှည့်လိုက်တယ်။ ဝက်ထော်ကလည်း မျက်နှာကို ချီထားတာပေါ့။ အဲ … ကောင်းရော။ ကိုကြီး အေးမင်းသန်း ကလည်း ဒီကနေ့မှ ဘာစိတ်ရူးပေါက်တယ် မသိဘူး။ ခိုင်ဦး လာတာတောင် ထကို မပြန်ဘူး။ သတင်းစာကို ဟန်ကြီးပန်ကြီး ဖတ်နေလိုက်တာ။ ဒါတွေကို ခြုံငုံသုံးသပ် မြင်လိုက်တော့ ခိုင်ဦးရဲ့ မျက်နှာ ကွက်ခနဲ ပျက်သွားတယ်။

“မုန့်ဟင်းခါး ပဲကြော်နဲ့ တစ်ပွဲ”

သွားပြီ၊ ခိုင်ဦး မှားပြီ။

ဒေါ်ကြီးဘုတ်ဆုံမက ဖျတ်ခနဲ မျက်နှာထားနဲ့ လှည့်လာတဲ့ပြီးတော့-

“ဟေ့ … ဒီဆိုင်က မုန့်ဟင်းခါးကို ငါးနဲ့ မချက်ဘူး၊ ဖားပြုပ်နဲ့ ချက်တာ။ ဖားပြုပ် မုန့်ဟင်းခါးပဲ ရောင်းတယ်။ ကြိုက်ရင် ပက်လက်လန် တစ်ပွဲ ထည့်ပေးလိုက်ဟေ့”
“ဖားပြုပ် မုန့်ဟင်းခါးပဲ ကြိုက်လို့ တစ်သက်လုံး စားနေတာဗျ။ ထည့်မှာသာ ထည့်”

အောင်မာ … မလျှော့သေးဘူး သင်းက။ မျက်နှာကလည်း တင်းနေလိုက်တာ။ လူပဲ ထသတ်တော့ မလိုလို။ သင်းပဲ အပြစ်လုပ်ထား သေးတယ်။ လာ လာချည်သေး။ အေးလေ …သိရမပေါ့။

“ချိုချို … ခဏ”

ကိုကြီး အေးမင်းသန်းက သတင်းစာကို ချပြီး ဝက်ထော်ကို အဲသလိုလည်း ခေါ်လိုက်ရော ဘာပြောကောင်းမလဲ။ ဟိုအကောင် ပခုံးကြီး ကားခနဲ ဖြစ်သွားတာလေ။ တိုတို သေအောင် တို။

မာနကြီးချင်တဲ့ အကောင်။

“ဘာလဲ ချိုချို၊ လူကြားလို့မှ မကောင်းဘူး။ ဖားပြုပ်နဲ့ ချက်တဲ့ မုန့်ဟင်းခါး ဘာတွေ ပြောနေကြတာလဲ”
“အလကားပါ ကိုကြီးရာ”
“ရော့ … ပိုက်ဆံရှင်းဦး၊ ကိုကြီး သွားတော့မယ်။ မကြီးဘုတ်၊ ကျွန်တော် သွားဦးမယ်”
“အေး အေး … မောင်အေးမင်းရေ၊ နေ့ခင်းဘက် အအေး လာသောက်လှည့်ချည်၊ ပူတဲ့အချိန် ဆိုတော့ အိမ်မှာ သခွားမွှေး ဝယ်ထားတယ်။ နေ့ခင်းကျမှ ရေခဲလေး၊ သကြားလေး၊ နို့ဆီလေးနဲ့ ဝက်ထော်ကို အဖျော်ခိုင်း လိုက်ဦးမယ် သိလား”
“ဟုတ်လား၊ ကျွန်တော် သခွားမွှေး သိပ်ကြိုက်တာ”
“ဒုန်း … ဒုန်း …”
“ဟေ့ ... ငရုတ်သီးမှုန့် တောင်းနေတာကွ ငရုတ်သီးမှုန့်၊ ဒီကလည်း ပိုက်ဆံနဲ့ စားနေတာနော့။ ဘယ်မလဲ ငရုတ်သီးမှုန့် ပန်းကန်”

ဒေါ်ကြီး ဘုတ်ဆုံက မျက်စောင်းထိုးပြီး ဟိုဘက် လှည့်သွားတယ်။ ဝက်ထော်က ရင်တောင် တုန်သွားတယ်။ အမလေးလေး … ဘယ်လိုဟာကြီး ပါလိမ့်။ အော်လိုက်တာ၊ အသံကို ပြာနေတာပဲ။ ဒါနဲ့ ပိုက်ဆံ အမ်းပေးပြီး ဝက်ထော်လည်း ဆောင့်ကြီး အောင့်ကြီးနဲ့ ငရုတ်သီးမှုန့် ပန်းကန် သွားချပေး လိုက်ရတယ်။ ဒေါသတကြီး မော့ကြည့်ပြီးတော့-

“ဘာဖြစ်နေတာလဲ” တဲ့ သူက။

“နင် ဖြစ်တာလေ”

ဝက်က အေးဆေး ပြောလိုက်တာပါ။

“ဒေါ်ကြီး ဘုတ်ဆုံက လူကြီးဖြစ်ပြီး သွေးထိုးတာ ကောင်းသလား”
“ဟဲ့ … နင် သေသွားမယ်နော်၊ ငါ့အဒေါ်ကို မထိနဲ့။ နင့်ဘာသာနင် အသုံးမကျတာနဲ့ ငါ့အဒေါ်ကို ဘာပြဿနာ ရှာတာလဲ”
“နင် ဘုမသိ ဘမသိ တစ်ဖက်သတ် မပြောနဲ့”
“ဘာ တစ်ဖက်သတ်လဲ”
“သူက ငါ့ကို မုန်းနေတာ”
“မုန်းအောင် နေတာကိုး”
“သူက အေးမင်းသန်းကို ဘုရားလောက် ထင်နေတာ”
“အထင်ခံချင်ရင် နင်လည်း ရအောင် လုပ်ပေါ့”
“ရအောင်လုပ်ရင် နင် ကိုးကွယ်မှာလား”
“ဝက်ထော်ရေ … စားတဲ့လူက တစ်ယောက်တည်း မဟုတ်ဘူး။ ငရုတ်သီးမှုန့်တွေ တစ်ဆိုင်လုံး ဖိသတ် မကုန်အောင် ရှိတယ်။ ယူထည့် စားကြပါစေ။ ဒါ ဟိုတယ် မဟုတ်ဘူး၊ လမ်းဘေးဈေးဆိုင်။ ကိုယ် လိုချင်တာ ထိုင်ရာမထ ရတဲ့ဆိုင် မဟုတ်ဘူး။ နောက်ဖေးမှာ ပန်းကန်တွေ ပုံနေပြီ။ ရေလည်း ဖြည့်ရဦးမယ်။ နေ့ခင်းဘက်ကျရင် အအေးရောင်းဖို့ ရေခဲ သွားဝယ်ရဦးမယ်။ ပြီးရင် ကြက်သွန် အဖြူ၊ အနီ ခွာရဦးမယ်။ ငါး ပြုတ်ရဦးမယ်”
“ဗျို့ … ဒေါ်ကြီးဘုတ်ဆုံ၊ ခင်ဗျား အသံကို ခဏကလေး တိတ်ထားဗျာ။ ဒီမှာ မျိုမကျတော့ဘူး။ အဲဒီအလုပ်တွေ နေ့တိုင်း ကျုပ် လုပ်နေကျ။ ရေခဲလည်း ကျုပ် စက်ဘီးနဲ့ သွားမှ ရလာမယ့် ကိစ္စ။ ခင်ဗျား အာပြဲ မနေနဲ့။ ခင်ဗျားပဲ ငါး မရောင်းဘူး၊ ဖားပြုပ်နဲ့ ချက်မှာဆို။ မပူနဲ့၊ အား … အမယ်လေးဗျာ …”

အိုး … ဝက်ထော် မျက်လုံးပြူး သွားတယ်။ ရင်တုန်ပန်းတုန်နဲ့ ခိုင်ဦးဆီ အပြေးအလွှား ရောက်သွားတယ်။ ဒေါ်ကြီး ဘုတ်ဆုံမ ကတော့ လုပ်ချလိုက်ပြန်ပြီ။ ခိုင်ဦး မျက်ခွက်ကို ရေနွေး ပန်းကန်လုံးနဲ့ ကောက်ပေါက်တာ၊ တကယ် နဖူး တည့်တည့်ကို မှန်တော့တာပဲဗျို့။ ဈေးခြင်းတောင်း ချပြီး အူယားဖားယား ပြေးလာတဲ့ ဦးမောင်ဝင်းရယ်၊ စားနေလက်စ လူ လေးငါးယောက်ရယ်က ဖုထွက်လာတဲ့ ခိုင်ဦးရဲ့ ဘုကြီးကို ဝိုင်းပြီး လက်ပူတိုက် နေကြလေရဲ့၊ အေးရော …။

မကြာပါဘူး၊ မိနစ် ၂၀ လောက် ရောက်တော့ ခိုင်ဦးနဲ့ ဦးမောင်ဝင်း ရယ်ရယ်မောမော ပြန်ဖြစ်သွားတယ်။ ဝက်ထော်လည်း မျက်နှာအချိုး ပြောင်းပြီး ပျာပျာသလဲ ဖြစ်သွားတာလည်း ပါမှာပေါ့လေ။ ဒေါ်ကြီး ဘုတ်ဆုံလည်း လန့်သွားမှာပါ။ ဒါပေမဲ့ မျက်နှာထားကိုတော့ မပြင်ဘူး။

ခဏနေတော့ ခိုင်ဦးက ဦးမောင်ဝင်း ဝယ်လာတဲ့ ဈေးခြင်းတောင်းကို စားပွဲပေါ်တင်ပြီး ကြက်သွန်တွေထုတ် အခွံနွှာ၊ ငါးကိုင် လုပ်နေတယ်။ ဦးမောင်ဝင်းက ခိုင်ဦးကို ဆေးလိပ် မီးညှိပေးနေတယ်။ ဝက်ထော်က ချင်းနဲ့ စပါးလင်ကို ခိုင်ဦးဘေးမှာ တဟီးဟီး ဖြစ်ရင်း ထောင်းထုနေတယ်။ ဒေါ်ကြီး ဘုတ်ဆုံမ ကတော့ ကောင်တာမှာ အိပ်ငိုက် နေလို့ပေါ့။ ဒီအချိန်မှာပဲ …

“ဟေး … သားသားတို့ဖို့ မုန့်ညင်းခါး ဥဥနဲ့ ထည့်ပေး၊ များများကြီး များများကြီး”

ဝက်ထော်ရဲ့ လက်ကလေးကို အလစ်မှာ ခိုးကိုင်မလို့ ရည်ရွယ်ထားတဲ့ ခိုင်ဦးက ဟောသလို မချိတင်ကဲ ထအော်တယ်။

“ဟော့ဒီမှာနော်၊ ဘုတ်ဆုံမရဲ့ တစ်မူထူးတဲ့ ဖားပြုပ် မုန့်ဟင်းခါးဆိုင်၊ လာကြနော်၊ လာကြနော်”

မရည်ရွယ်ပါဘဲနဲ့ ဝက်ထော်ရဲ့ လက်က ခိုင်ဦး ခေါင်းကို ဒေါက်ခနဲ ခေါက်မိပြီး ဖြစ်သွားလေရော။ ဒေါ်ကြီး ဘုတ်ဆုံမ ကတော့-

“ဘဲဥ မထည့်ပေးနဲ့၊ ကြက်သွန်ဥပဲ ရှာထည့်ပေးလိုက်။ အင်း … စာရင်းချုပ် ရတော့မယ်၊ မနက်ဖြန် သန်ဘက်ခါဆို လကုန်ပြီ”

အစရှိသဖြင့် ကရားရေလွှတ် …။

လူတွေက ကျဲပါးလျက် ရှိပေပြီ။

ဦးမောင်ဝင်း ကတော့ ရုံးအမီ ဆိုပြီး ဆိုင်နောက်ဘက်က ပီပါထဲမှ ရေကို တဝုန်းဝုန်း လောင်းချိုး နေလေ၏။ အချိန်ကား နံနက် ၁၀ နာရီခွဲပြီး နေလေပြီ။