HIKAYAT NANGGROE
Nariet Peuneuhah
Oleh. JoelPasee
Deungon bismillah awai lom peuphon
Ulon tueng turon asai bak mula
Asai dilee phon Nibak Potallah
Bak Nabiyullah surah geubuka
Alhamdulillah Pujoe Ilahon
Allah Qadiron Poe dum Sigala
Nyang Peujeut Jasad dengon nyawong lon
Nyang peuudep jantong ngon dum anggota
Seulaweut saleum tentee meuhimpon
Rasul Tajunjong Muhammad Mulia
Beuteutap hate dimiyup payong
Meusaho ujong dalam syuruga
Keu Alim ‘ulama do’a nibak lon
Beureukah bak Rabbon umu nyang kana
Ilmee ngon amai pulang Bak Malikon
Allah nyang Meuphom ho dum geuneukba
Para umara wareh Poe tanglong
Sabe lam lindong Allah ta’ala
Aceh nyoe raya beu got neusanjong
Maruwah neusuon keu kulah kama
Salam alaikum wa rahmatullah
Saleum meutuwah keu dum syedara
Keu mandum guree Ta’dhem ngon sabah
Ngoen Jaroe dua blah lon peumulia
Jaroe lon siploh diateh ulee
Jaroe lon siploh diateh ulee
Meuah lon lakee bak kawom dumna
Bak salah nariet kon salah guree
Salah ka teuntee bak lon peunyata
bersambung...
Indah sekali syair lagunya seindah suara pengarangnya. Terimakasih telah berbagi.
Kunjungi akun saya @iskandarawe
Semoga kita selalu bisa saling vote dan upvote
Salam
Alhadu lillah guree. Mandum ngon doa n support droe neuh. Meusyen raya sabe
Bang adek ruby hana geu posting2 lagoo lam steemit... sang sibuk that gop nyan..
Hana muphom bg, sang sibok that, nyoe tngoh geutangani project khanduri meulaot d sabang
Ooo ka teuga proyek gop nyan... mantap.. ta lakee doa beu makmu sabee
Bereh trep trep sige leumah le..
Hna fokus aduen ee
Ooouhhh.... Its really really awesomeness.... You've the best words.... Lagak that, eummm padit nomboi sipatu please....