HIKAYAT ACEH - BEK DOK MEU UPAT
Selamat malam Steemian berjumpa lagi dengan saya pada kesempatan kali ini saya akan membagikan hikayat dan nazam Aceh untuk Steemian semuanya. Silahkan di nikmati semoga terhibur.
Kru seumangat putiek coklat
Kajeut cupat ateuh panteue
Ngoen beureukat gurei radat
Ca'e loen lhat nibak layeue
Meuah sahbat pat nyang ilat
Kadang batat watee neu eue
Saboeh ca'e loen ci ikat
Meunyoe silap laju neuceue
Maklum ilme mantoeng phui that
Goeh loem meupat bak loen geue geue
Goeh ciet meuri ureung hebat
Lam bhah radat mantoeng reuteue
Saleum takzem phoen lam surat
Gurei radat nyang ka hayeue
Dari pasi troeh seutabat
Hingga langkat uloen sinteue
Nyoe bak manee ciet koeng that that
Tayue sipat peugoet gaseue
Asoe tambeh rinteh loen lhat
Lam meu upat bek ta peukeue
Ingat ingat wareh sahbat
Kuneng langsat ngoen nyang sareue
Bak meututoe beu muslihat
Beuna adab o'h takareue
Salah beutoi lam meu upat
Dosa brat that wahee bileue
Geuboeh tamse dalam ayat
Bagoe ulat nibak pageue
Asoe darah manduem dikap
Jeut di cupat troek bak ciceue
Nyan keuh GHIBAH geukheun sahbat
Dalam kitap ci keuh neu eue
Dosa rayoek ka nibak rabb
Han seup taubat nyoe ta simpreue
Hana jioh deungoen laknat
Sapue rahmat tandeuh taeue
Bek taci ci wahee sahbat
Bek ta peurap nyan koen haleue
Bek that galak bak meu upat
Wab kiamat kadeuh dikeue
Nyoe tasurah keu bhah upat
Jai hai sahbat geuboeh miseue
Zina riba saduem tingkat
Beda pangkat upat dikeue
Dalam rawi nabi geulhat
Bak sahabat neu peusadeue
Rayoek riba nyan keuh upat
Deungoen taubat jieh hana pheue
Hingga dudoe samboeng ayat
Keu peundapat geu peusiseue
Samboeng surah dalam upat
Fitnah pieh rap keunan jeut preue
Saban perseh ngoen aneuk klat
Saboeh teumpat jieh ngoen rambeue
Maka ingat hai sahabat
Bek ta karat keunan tageue
Lam buet rugoe bek galak that
Ban meu jungkat payah heue heue
Dak tan wara' meu bek seusat
Arah kiblat beu meupat ceue
Beu taturi rhang ngoen tungkat
Beu meupat lhat deungoen sinteue
Bek ta adoek boeh boeh pukat
Dalam cawat tajak direue
Mameh masen beda that that
Puloem nyoe klat deungoen tabeue
Beu that beutoi keung tajungkat
Jeuneuh upat tanjeut bateue
Deungoen rezki jioh that that
Nyoe hai sahbat tan ta biyeue
Nyang na sabee nyan keuh laknat
Dosa teuh brat payah bayeue
Dalam kubu azeub seup brat
Glang ngoen ulat keunan di eue
Hingga sampoe bak akhirat
Geutoet leugat sampoe jeut ngeue
Illa meu'ah bak poe teumpat
Nyang ta upat tan geu dajeue
Teuman lheh nyan baroe taubat
Badan beu krap deungoen aleue
Saboeh peusan teuntang upat
Bek hai sahbat nyan neujak jeue
Neu peu jioh laju leugat
Bek di takat uleuh uleue
Boeh meuria rasa jieh klat
Nyang masam that boeh teumeureue
Badan beu gleh lam ibadat
Bek jeut kaplat lagee keubeue
Gampoeng buloeh lo bak langsat
Sinan sahbat na blang raleue
Meu'ah wareh pat nyang silap
Dak pieh siat uloen saweue...
Terakasih terlah berkunjung ke blog saya semoga terhibur dan menikmati. Jangan lupa upvote, resteem and follow me @rikiricardo