Panton Aceh "Pileh Sambinoe"
Tapileh sambinoe koen keuh bloe ija kroeng
Jeut gantoe tiep thoen watee ka beukah
Siumu hudep tapekek meu thoen
Meu untong - untong seunang ngen susah
Peut boh paleh tilek hai kawoem
Seugolom langsong gata meunikah
Mue salah saboh jiduek hai kawoen
Langsong ta tinggai bek lee meunikah
Yang keuphoen paleh musang meuteureujon
Muka sabe coen sabee ngen marah
Watee jiwoe lakoe bagoe na racoen
Narit meusinggong sabee lam babah
Teuma keudua paleh ceurapee lhieh boen
Samlakoe jitren ijih pih leupah
Lakoe jih dijak ditinggai gampong
Dijieh jeut jurong jak bak fitnah
Yang keu lhee paleh siamak ayoen
Inoeng ceumakeun paleh sileumpah
Hareuta jitren bagoe jipinah
Meubacut tan hemat sirimueng gulong
Sabe tiep - tiep thoen han sep nafkah.
Bungie, 15 April 2018
