වෙසක් කූඩු

ඉතින් මේ වෙසක් මාසෙනේ. මේ පාර වෙසක් අනිත් පාරවල් වලටත් වඩා කලින් ආවා. මට නම් කලින් වැඩී වගේ. ඔක්කොටමත් වඩා කම්කරු දිනයට නිවාඩුවයි වෙසක් නිවාඩුවය් දෙකම එක සතියේ. වෙසක් නිවාඩුවත් එක දවසයි. මීට පස්සෙ සතියේ දවස් වල වෙන නිවාඩු නෑ. ඉතින් ඒක දැක්කාමම මට මහන්සී. වෙසක් නිවාඩුව තව පස්සේ ලැබුනා නම් හොදය් කියලා හිත හිත ගෙදර ආවා. අවුරුද්දේ රස්නේ යන්නත් කලින් වෙසක් ආව නිසා වෙසක් වලට ලෑස්ති වෙන්න ලොකු වෙලාවක් ලැබුනේ නෑනෙ කාටවත්. මටත් එහෙමය්.

මන් ගෙදර යද්දි අම්මා කූඩු හදනවා. අම්මා අටපට්ටමක් හදන්න ගිහින් ඒක හරියට ඇවිල්ල නැති නිසා අම්මා ඒකට හදපු කොටු අරන් මේ අමුතු හැඩේ ඒවා හදලා. මට මුලදි මේ මොනාද මේ කියල හිතුනත් පස්සේ තියෙන එක ලස්සනට අලවගන්න ඕන කියලා හිතලා අලවන්න ගත්තා. අමුතු වෙසක් කූඩුව දැකලා අපේ අම්මට තාත්තගේ විහිලු කතා නම් ගොඩක්ම අහගන්නත් උනා.

අම්මා කූඩු තුනක් හදල තිබුනා. මන් ඒකෙන් එකක් අරන් කහ පාටින් ඇලෙව්වා. ඒක කරද්දි හරිම ආස හිතෙන වැඩක්. අම්මා අනිත් දෙක නිල් පාටිනුයි සුදු පාටිනුයි ඇලව්වා. වෙනදට අපි ලස්සන කූඩු හදනවා වෙසක් එකට. මීට වඩා නම් හැමදාම තියෙනවා. ඒත් මේ පාර කාලෙත් අඩුයි අපි ගෙදරත් නෑනේ. ඒනිසය් මෙහෙම උනේ.

අම්මා ඕක එල්ලපු වෙලාවෙත් තාත්තාගෙන් විහිලු කතා අහන් හිටියේ. මෙන්න අපේ ගෙදරට ආව කෙනෙක් කියනවා. හරි ශෝයි ඒ කූඩු. කෝමද හැදුවේ. යටට ත්‍ර්‍රිකෝනයක් අල්ලලාද කියලා. අම්මට ඉතින් හරි සතුටුයි. එපාර විස්තරේ කියනවා. ඔන්න ඔහොමය් ඉතින් අපි මේ පාර කූඩු හදාගත්තේ. ඊලග පාර ලස්සන කූඩු ටිකක් හදන්න බලමු.

වෙසක් දවස් දෙක කොහොමද ගත උනේ කියලා ඊලග දවසේ කියන්නම්කෝ. කොහොම හරි මන් මේ ඉන්න ටිකේම සැරින් සැරේ මතක් උනා සදුදට ආයේ යන්න ඕන කියලයි, ඊට පස්සේ ට්‍රේනින් ඉවර වෙනකන්ම වෙන නිවාඩු නෑහැ කියලායි.