Jacques Kallis
ඉතින් යාළුවනේ හිතනවා ඔයාලා හැමෝම පරිස්සමට ඇති කියලා. මට ඇත්තටම හිතාගන්න අමාරුයි මොකද මේ ක්‍රීඩකයව මට මෙච්චර දවසක් මගහැරුනේ කියලා.කවුරු හරි මගෙන් ඇහුවොත් ඔයා ජාත්‍යන්තර ක්‍රිකට්වල දැකපුු හොඳම තුන් ඉරියව් ක්‍රීඩකයා කවුද කියලා.අද වෙනකම් නම් මම දැකපු තුන් ඉරියව් ක්‍රීඩකයන්ගෙන් විශිෂ්ටම ක්‍රීඩකයා තමයි jacques Kallis.ඔහුගේ පිතිකරණය පන්දු යැවීම, ඇත්තටම මම හිතන්නේ නෑ ඒ වගේ ක්‍රීඩකයෙක් නම් ක්‍රිකට් වලට ආයෙත් බිහිවේවි කියලත්.ඒ තරම් වචනයේ පරිසමාප්ත අර්ථයෙන්ම තුන් ඉරියව් ක්‍රීඩකයෙක්.
හරි ඉතින් බොරුවට කයිවාරු වැඩක් නෑනේ, අපි ඔහුගේ ජාත්‍යන්තර ලකුණු සහ කඩුලු වලින්ම බලමුකෝ kallis ගෙ හැකියාව.1995 වසරේ ජාතික කණ්ඩායමට වරම් දිනාගත් jacques kallis ටෙස්ට් පිටියේ ඉනිම් 280කදී ලකුනු 13289 ලබාගෙන තිබෙන අතර ඔහුගේ පිතිකරන සාමාන්‍ය 55.37 ක තරම් ඉහළ අගයක පවත්වා ගැනීමටත් Kallis සමත් වෙලා තියෙනවා.ජාත්‍යන්තර එක්දින පිටිය තුල ඉනිම් 314දී ලකුනු 11579 ලබා ගනිමින් ඔහුගේ පිතිකරන සාමාන්‍ය 44ට ඉහලින් පවත්වා ගැනීමටත් ඔහු සමත් වෙලා තියෙනවා.එපමණක් නෙවෙයි පන්දු යවන්නෙක් විදියට ටෙස්ට් පිටිය තුළ කඩුලු 292 ක් දවාගැනීමටත් එක්දින පිටිය තුළ කඩුලු 273ක් දවාගැනීමටත් Kallis සමත් වෙලා තියෙනවා.ඉතින් මොකද හිතන්නේ මේ player ගැන.ඇත්තටම මට අනුව නම් jacques kallis කියන්නේ ජාත්‍යන්තර ක්‍රිකට් පිටියට බිහිවූ legendary player කෙනෙක්.