විභාග වලින් පස්සෙ

ඉතින් ටික කාලෙකට පස්සෙ තමයි ලියන්න වෙලාවක් හම්බුනේ. විභාගෙත් එක්ක සෑහෙන්න වැඩ හිරවෙලා තිබුන නිසා ලියන්න වෙලාවක් වෙන් කරගන්න අවස්තාවක් හම්බුනේම නෑ. අනික ලියන එකත් කලබලේට ලියල තේරුමක් නැතිනිසා විභාගෙ ඉවරවෙලාම ලියන්න තීරණය කරා.ඉතින් සති දෙකක නිවාඩුවක් විභාගෙට පාඩම් කරන්න හම්බුනත් ඉස්කොලෙ කාලෙ වගේම පුරුදු විදිය්ට අන්තිම දවස් ටිකේ අපි වැඩ කරන්න පටන්ගත්තෙ කම්මැලි කම නිසාමයි. ඒත් ඒක අපි කරපු ලොකු මෝඩකමක් කියල තේරුනේ දවසින් ඉවර කරගන්න පුලුවන් තත්වෙක එක සබ්ජෙක්ට් එකක්වත් තිබුණ් නැති නිසා.

ඉතින් ගිය බ්‍රහස්පතින්ද පටන්ගත්ත විභාගෙ දවස් පහක් විශයන් පහකින් තිබුනා. කොහොමත් ගෙදර ඉදන් වැඩක් කරගන්න බැරිනිසාම අගහරුවාදා බෝඩිමට ආවෙ කොල්ලො ටිකත් එක්ක ගේමක් ගහගන්න පුලුවන් කියල දන්න නිසාමයි.හිතුන වගේම විභාගෙට කලින් වැඩ ටිකක් කරගන්න පුලුවන් වුනා වගේම කොහොම කොහොම හරි කට්ටියත් එක්ක පාඩම් බෙදාගෙන ශෝට්නෝට් ගහන් ප්‍රශ්න හදන් දවසින් සබ්ජෙක්ට් එක රිපීට් නොවී ගේමක් ගහගන්න කට්ටිය එක්කම සෑහෙන්න ගේමක්දුන්නා.ඉතින් මේ කාපු කට්ට කලින් ඉදන්ම කෑවනම් ගේමක් නැතුවම සබ්ජෙක්ට් එක ගොඩ දාගන්න පුලුවන්කම තියෙනව කියල දන්නව උනත් මේකෙත් අමුතුම ආතල් එකක් නැතුවම නෙවෙයි.

ඉතින් විභාගෙන් පස්සෙ සති තුනක නිවාඩුවක් හම්බුනත් එක සතියක් විතරයි හරියටම නිවාඩුවක් හම්බෙන්නෙ. මොකද අනිත් සති දෙකේ කලින් සෙම් වල මගහැරුනු ප්‍රැක්ටිකල් ටික කරන්න දාගෙන තියෙන නිසා. ඉතින් මේ සතිය නිදහසේ ඉන්න හිතන් බෝඩිමේම නවතින්න හිතුවෙ ගෙදර ගිහිල්ලත් ලොකු නිදහසක් හම්බෙන්නෙ නැති නිසා. නිදහස කියල ඉතින් ලොකුවට කරන්නෙ මේ මුලු සතියෙම ෆිල්ම් බලන එක තමයි ඉතින්.