නිදහස් අධ්‍යාපනය රැකගැනීමට( පලමු පියවර)
ඉතින් මං කලින් ලියපු එකේ විදියට මෙච්චර්ක් කල් නිදහසේ ඉගෙනගැනීමට තිබූ අයිතියටත් මේ දූශිත පාලකයො ටිකෙන් ටික අත දාමින් සල්ලි ගසාකන්න උත්සාහ කරනව.අහින්සක දුප්පත් අම්ම තාත්ත කෙනෙක් ඉන්න ළමයෙක් මේ ආයතනයට පැමිණීම ඇහිරීමට තමයි මුන් දතකාමින් ඉන්නෙ. ඉතින් දැනට ආයතන්‍ය තුල සිටින බැච් දෙකම ඒ වෙනුවෙන් ක්‍රියාමාර්ග ගන්න පලමු පියවර විදියට සාමකාමී නිහඩ විරෝධතාවයක් සිදුකිරීමට අපි කටයුතු කලා. එකෙක් දෙන්නෙක් නෙවෙයි බැච් එකේ හැම එකාම වගේ තමාට පුලුවන් ව්දියට උදව් කරල බලධාරීන්ට දැනෙන්න යමක් කිරීමට උදව් කරා.
ඉතින් මේ දවස් ටිකම වගේ වැඩිපුරම මහන්සි වුනේ මේ වැඩ වලට තමයි.උදේ ඉදන් හවස් වෙනකන් ලෙක්චර්ස් වලට ගිහිල්ල. ඒ තියෙන ප්‍රැක්ටිකල් වලටත් ගිහින් දෙන කෝස්වර්ක් ටිකත් කොහොමහරි මැරිල සබ්මිට් කරන ගමන් මේ වැඩ වලටත් ගියේ කොහොමද කියල අපිටත් හිතාගන්න බෑ. ඒත් ඒ මොරාල් එක හැම එකාටම තිබ්බ එක ගැනනම් සතුටුයි. කාටවත් ප්‍රශ්නයක් වෙන්නෙ නැතිවෙන්න නිදි මරාගෙන පන්දම් හදල පෝස්ටර් ලියල හතර වටේ ඇවිදල කකුල් දෙක පන නැති වෙනකන් අන්තිමට පැයක් දෙකක් නිදාගත්තත් හිතට සතුටක් තියෙනව කරන්නෙ වැරදි දෙයක් නෙවෙයි හින්ද.
අපිට ලැබුනු දේ අපේ ඊලගට එන උන්ටත් ලැබෙන්න ඕන. අනික මේ ආයතනයෙ output එක රටට අවාසියක් වෙන දෙයක් නෙවෙයි. ඉතින් රටේ මුදල් වැඩක් නැති උත්සව වලට නිකන් යට කරන එකේ මේ වගේ වැදගත් දෙයකට දුන්නට පාඩුවක් වෙන්නෙ නෑ. මොකද රටට අවශ්‍ය ඉන්ජිනේරුවො බිහි කරපු ආයතනයක් සල්ලි වලට යට කරාම දුප්පත් මිනිස්සුන්ට කවදාවත් කිසිම දේකින් තැනකට එන්න වෙන්නෙ නෑ. ඔය ජඩ දේශ්පාලකයො කොහොමත් රටේ දුප්පත්කමයි මිනිස්සුන්ගෙ නූගත්කමයි නැතිවෙන්න දෙන්නෙ නෑ. මොකද උන්ට බලයෙ ඉන්න පුලුවන් ඔය දෙකම තියෙනකන් තමයි. ඒ දේ වළක්වන්න පුලුවන් දේ හරි අමාරුවෙන් උනත් කරන්න වෙන එක ගැන තියෙන්නෙනම් අමුතුම සතුටක්.
