ආමි ගුනේ
ඉතින් ඊයේ දවසනම් ශ්‍රී ලංකා ක්‍රිකට් රසිකයින්ට එතරම් හොඳ දවසක් නෙවෙයි.මොකද අපි හැමෝම හිතාගෙන හිටියේ ශ්‍රී ලංකා කණ්ඩායමට Master league තරගාවලිය අවසන් තරගයට සුදුසුකම් ලබන්න පුළුවන් වේවි කියලා.නමුත් අවාසනාවටයි ඊයේ ඒ බලාපොරොත්තු සියල්ල බොද වී ගියා.මොකක් කරන්නද ක්‍රිකට් කියන්නේ අවිනිශ්චිත ක්‍රීඩාවක්ම තමයි.ඒ කොහොම වුණත් සංග ප්‍රමුඛ අපේ legendsලගේ දක්ෂතා තරගාවලිය පුරා දකින්න ලැබුණා.ඉතින් මේ තරගාවලිය ශ්‍රී ලංකා කණ්ඩායමේ එක ක්‍රීඩකයෙක් ගැන විශේෂයෙන්ම කතාබහට ලක්වුණා. ඉතින් මොහු පන්දුවෙන් වගේම පිතිකරණයෙන්ද තමන්ගේ දක්ෂතා පෙන්නන්න සමත් වුණේ කණ්ඩායම ලබාගත් ජයග්‍රහණවලට මනා පිටුවහලක් එක් කරමින්.
ඉතින් ඒ තමයි අසේල ගුණරත්න නැත්නම් ගොඩක් කට්ටිය හඳුන්වන ආමි ගුණේ.අසේල ගුණරත්න ගැන විශේෂයෙන්ම ජාත්‍යන්තර ක්‍රිකට් පිටියේ කතාබහට ලක්වුණේ ඔහු විසින් ඕස්ට්‍රේලියාවේදී ඕස්ට්‍රේලියානු කණ්ඩායමට එරෙහිව ලබාදුන් නොතිබූ ජයග්‍රහණය නිසා.ඒ තරගයත් තවත් තරග කිහිපයකදීත් ඔහුගේ පිතිකරණය සහ පන්දු යැවීමෙන් ශ්‍රී ලංකා කණ්ඩායමේ නිත්‍ය තුන් ඉරියව් ක්‍රීඩකයෙක් ලෙස ස්ථානයක් වෙන්කරගත්තා. අවාසනාවකට ආබාධ නිසාම ඔහුගේ ක්‍රිකට් දිවියත් අපේ කණ්ඩායමට ලබාගන්න තිබූ සේවාවත් සිතූ තරම් ලැබුණේ නැහැ.නමුත් ඊයේ පරාජය වුණු තරඟයේදීත් කලින් තරග කීපයේදීත් ඔහුගේ දක්ෂතා පිතිකරණයෙන් මනාවට පෙන්නුවේ තව තවත් ක්‍රිකට් රසිකයින්ට ඔහුගේ ඉනිම් මතකයට ආවර්ජනය කරමින්.ඉතින් අසේල ගුණරත්න කියන්නේ ක්‍රිකට් රසිකයින්ටනම් කිසිදා අමතක නොවන ක්‍රිකට් චරිතයක්.