වෙසක්

හැමෝම පරිස්සමෙන් ඇති කියල හිතනව . පෙරේදා upload කරන්න හිටියත් එක එක වැඩත් එක්ක අමතක වෙලා ගියා . ඉතින් අද තමයි වෙලාවක් හම්බුනේ ඉතුරු ටික සම්පූර්ණ කරන්න . බුදු රජාණන් වහන්සේගෙ උතුම් තෙමගුල වූ වෙසක් පොහොය ඊයේ සහ පෙරේදා දිනයන්හිදී යෙදී තියෙනවා. ඉතින් බෞද්ධයන්ට ඉතා විශේශයි මේ පොහොය. රටේ දැන් තියෙන තත්තවයත් එක්ක මිනිස්සු ඉතා අමාරුවෙන් ජීවත් උනත් පුලු පුලුවන් විදියට ගෙවල් වල වෙසක් සැරසිලි කරන්න මිනිස්සු කටයුතු කරල තියෙන ආකාරය දැකගන්න පුලුවන් උනා. මිනිස්සුන්ට කොච්චර අමාරු උනත් අඩුමගානෙ වෙසක් කූඩුවක්වත් ගෙදර එල්ලන්නෙ නැතුව ඉන්න බැහැ. වෙසක් පොහොය එනකොට කලින් අවුරුදු වල තොරණ් සෑහෙන්න තිබුනත් මෙවර එච්චර දැකගන්න පුලුවන් උනේ නෑ. නමුත් නැත්තෙමත් නෑ . තොරණ් අඩුවෙන්න රටේ තත්වය සහ කාලගුණික තත්තවයත් සෑහෙන්න බලපෑව. දන්සැල් ගැනනම් කියන්න ඕන් නැනෙ. මිනිස්සුන්ට එදාවේල කාගන්න බැරුව ඉන්නකොට මොන දන්සැ ල් දීම්ද?අපේ ගෙව්ල් පැත්තෙ බෙලිමල් සහ කොස් දන්සැල් දෙකක්නම් තිබ්බ. මං දැක්ක සමාජ මාද්‍ය ජාලාවක දාල තිබ්බ නියම දන්සලක් . ඒ දන්සල දෙන්නෙ පෙට්‍රල් පෝලිමක් ඉන්න මිනිස්සුන්ට . ඇත්තටම ඒක දකිද්දි ලොකු අනුකම්පාවක් එනව අපේම මිනිස්සු ගැන. එක කොල්ලෙක් පින්දිදී කනව උදේ ඉදන් සෑහෙන්න බඩගින්නෙ හිටියෙ කියල . මිනිස්සු දැන් ආකල්ප අතින් සෑහෙන්න හොද තත්වෙක ඉන්නව . තමන් ගැන විතරක් හිතන පුරුද්ද නැතුව අනිත්කෙනා ගැනත් හිතන්නත් මිනිස්සු දැන් ටික ටික පුරුදු වීගෙන එනව. පෙට්‍රල් ගහන්න පෝලිම් වල ඉන්න අහින්සක මිනිස්සු වැස්ස වෙලාවට තෙමෙන්න නොදී කාර් එකට ත්‍රීවීල් එකට දාගන්න තරම් මිනිස්සු පරාර්තකාමී වෙලා තියෙනවා.

20 වෙනිද වෙනකොට report එකක් සම්පූර්ණ කරන්න තියෙන හින්ද උදේ ඉදන් ඒකෙ වැඩ . ඒත් ඉතින් වෙසක් එකට ඒක අදාල නෑ. හැමොම අඩු වැඩිවිදියට කූඩු හදන්න එකතු වෙන්න ඕන. ඒ නිසා report එක පැත්තකින් තියල නංගිත් එක්ක කූඩු ටික අලවන්න ගත්ත. කොහොමහරි කූඩු තුනක් අලවල සම්පූර්න කරගන්න පුලුවන් උනා. නංගි තමයි ඉතින් වැඩි කොටසක් කරේ. අම්මයි මායි උනේ එයාට උදව් වුන එක. මේ දවස් හැමෝම අමාරුවෙන් ගෙවන නිසා තමන්ට පුලුවන් විදියට අනුන්ටත් උදව් කරමින් , බුදු රජාණන් වහන්සේ දේශනා කර විදියට අනිත්‍ය වටහාගෙන ජීවත් වීම තමයි හොදම දෙය. බුදු සරණයි...