The Usual Suspects
ඉතින් යාළුවනේ ඔයාලා හැමෝම පරිස්සමෙන් ඇති කියලා හිතනවා.පරණ ෆිල්ම්ස් ටික ටික බලන්න පුරුදු උනාට පස්සේ තමයි හිතෙන්නේ ඇත්තටම අලුත් ෆිල්ම් වලට මෙච්චර තාක්ෂණයක් තිබිලත් ඒ වගේ විදියට හිතන්න කතාවක් හදන්න බැරි ඇයි කියලා.ඒ තරම් විශිෂ්ට ගනයෙ අමුතුම කතාවක් ගැබ් වෙලා තියෙන ෆිල්ම් තමයි ඒ කාලේ බිහිවෙලා තියෙන්නේ.අද ලියන්න යන්නෙත් හොලිවුඩ් සිනමාවේ බිහිවුණු විශිෂ්ටතම ෆිල්ම් එකක් ගැන.ෆිල්ම් එක නම් සෑහෙන්න පරණයි, මොකද මේක 1995 බිහිවුණ ෆිල්ම් එකක්.මම පරණ ෆිල්ම් ළඟදි ඉඳන් බලන්න පටන් ගත්තත් මේ ෆිල්ම් එකට ලොකු කැමැත්තක් තිබුණේ නැහැ, මොකද මුල් ටිකේ මට එච්චර සෙට් වුණේ නැති නිසා මම ෆිල්ම් එක බලන එක පොඩ්ඩක් මගහැරියා.ඒත් පස්සෙ ඊයේ ආයෙත් බැලුවාම තමයි හිතුනේ මම කොච්චර අපරාධයක්ද කලින් කරලා තියෙන්නේ කියලා, ඒතරම් සුපිරි කතාවක් තමයි ෆිල්ම් එකට තියෙන්නේ.
Imdb chart ලක්ෂ දහයකට අධික වූ ප්‍රේක්ෂක ප්‍රතිචාර අතරින් 8.5ක ඉහල අගයක් ලබා ගැනීමට මේ ෆිල්ම් එක සමත් වෙලා තියෙනවා.ඒ වගේම ඔස්කාර් සම්මාන දෙකක් ඇතුළුව සම්මාන 37ක් දිනා ගැනීමටත් මේ ෆිල්ම් එකට හැකි වෙලා තියෙනවා. X men , Superman Returns කියන අතිශය ජනප්‍රිය චිත්‍රපට නිර්මාණය කරපු Brian Singer තමයි මේ ෆිල්ම් එකත් අධ්‍යක්ෂණය කරලා තියෙන්නේ.Crime , Mystery , Gangster සහ Drama කියන කාණ්ඩ කීපයටම අයත් වෙන ෆිල්ම් එකක් තමයි මේ. පලිගැනීමක් හා සම්බන්ධ කතාවක් තමයි ෆිල්ම් එකට පාදක කරගෙන තියෙන්නේ ඊට එහා කිසිම දෙයක් මම කියන්න යන්නේ නැහැ.මොකද මේක නම් ඔයා බලන්නම වටින ෆිල්ම් එකක්.