කැලනියේ සිනමාවලෝකනය ❤

හලො හලෝ කෝමද, සති දෙකකට පස්සෙ ගෙදර ඇවිල්ල තමයි මේ ආටිකල් එක ලියන්න ගත්තෙ. පහුගිය දවසක අපේ කැම්පස් එකෙ තිබුනා සිනමාවලෝකනය කියල චිත්‍රපට ප්‍රදර්ශනයක්. මේකෙදි පෙන්නන්නෙ ලන්කාවෙ අතිශය ජනප්‍රිය උන සහ විශිෂ්ඨ ගනයේ චිත්‍රපට. පලවෙනි දවසෙ පෙන්නුවේ සුගතපාල සෙනරත් යාපා අධ්‍යක්ෂනය කරපු හන්තානේ කතාව චිත්‍රපටය. සුගතපාල මහත්තයා දැන් ගොඩක් වයසයි. රෝදපුටුවෙ තමයි ඔහුගේ ගමන. ප්‍රොෆෙසර් පැට්‍රික් රත්නායක සර් ,සුගතපාල සෙනරත් යාපා මහත්මයාවත් එක්කන් ආවා එදා වේදිකාවට. හැමෝම නැගිටල අත්පොලසන් දීලා ඔහුට ආචාර කරා.හරි අමාරුවෙන් ඔහුත් වචන කිහිපයක් කතා කරා අපිට. ඊට පස්සෙ ඉතින් අපි ෆිල්ම් එක බැලුවා.

1969 වගෙ කාලෙදි පේරාදෙනිය විශ්වවිද්‍යාලය තුල ගොඩනැගෙන තුන්කොන් ආදර කතාවක් පදනම් කරගෙන තමයි මේ චිත්‍රපටය ගොඩනැගෙන්නෙ..විශේශත්වය තමයි මේ චිත්‍රපටය නිර්මානය වන්නේ එම විශ්වවිද්‍යාලයේම දෙවන වසර සිසුන්ගේ සහබාගීත්වයෙන් වීම. මේ ෆිල්ම් එකෙත් අදකාලයේ උනත් දකින්න ලැබෙන විශිෂ්ඨ ගනයේ ශොට්ස් ගොඩක් තිබුනා. ඒ කාලයෙ තිබ්බ තාක්ශනය එක්ක ශබ්ද වල පොඩි පොඩි අඩුපාඩු දැනුනත් ඒක වරදක් විදිහට දකින්න බෑ. ආයෙමත් ඊලග බ්‍රහස්පතින්දා තවත් චිත්‍රපටයක් බලන්න අපි මග බලන් ඉන්නවා. කැම්පස් එකේ ඕනම කෙනෙක්ද DH Hall එකට ආවනම් හවස 6 වෙද්දි නිදහසේ ෆිල්ම් එකක් රස විදින්න පුලුවන්.

සිකුරාදා දවස ගැනනම් කියන්න ඒ තරම් දෙයක් ඇත්තේ නෑ.ඔහේ උදේ දවස ඔන්ලයින් ලෙක්චර් එකක් එක්ක ගෙවිල ගියා.හවස ගෙදර එන්න පිටත් උනා. බඩගිනි නිසා මායි තව යාලුවෙකුයි දෙමල කඩේකින් තෝසේයි අල බෝලයි කෑවා. කාලා බස් එකේ නැග්ගම තමා තේරුනේ කරගත්ත ගොන් කම.පුදුම වතුර තිබහක් ආවේ. වතුර බෝතල් තුන හතරක් ගියා අපි දෙන්නට. කොහොම හරි ඉතින් කාලෙකින් ගෙදර ආවා. ඇවිල්ලා බයික් එක පොඩ්ඩක් පැදලා ,හවස අක්කත් එක්ක ගියා මාමා අලුතෙන් දාපු සුප් කඩේට.

හරිම ලස්සනට මැටි ගහලා පොඩි හට් එකක් හදලා පන් පැදුරු වලින් මේස බන්කු එහෙම කවර් කරලා තිබුනා.සුප් එකත් හරිම රසයි.සුප් එකයි රෝස්ට් පානුයි දෙකම රුපියල් 150 යි කියල කිව්වා. අපි නන් නිකන් බීලා ආවෙ ඉතින්. ඉතින් ඔහොම තමා දවස් ගෙවුනේ. ඊයෙ ආවට ඉතින් ආයෙමත් අද බෝඩිමට යන්නත් ඕන.දුක තමා.🥴